АНКАРА (АА) – Според најновите бројки на Меѓународното жири за доделување сино знаме, вкупно 551 плажа, заедно со 23 марини, 14 туристички брода и 10 индивидуални јахти во Туркије ја добија ознаката „Сино знаме“, јавува Анадолу.
Од земјите со плажи со „Сино знаме“ првото место го зазеде Шпанија, а второто Грција. Италија и Франција се по Туркије по бројот на плажи со „Сино знаме“.
Сертификацијата „Сино знаме“, инаку меѓународна програма имплементирана во 50 земји, е ексклузивна меѓународна екоознака што им се доделува на плажите и марините по исполнувањето на одредени критериуми поставени од Меѓународната фондација за еколошко образование, независна непрофитна организација од Копенхаген, Данска.
Јужната турска област Анталија, која се смета за една од најдобрите туристички дестинации во светот, го задржа своето место со вкупно 231 екоплажа со сино знаме.
Следува југозападната турска област Мугла со 110 плажи со сино знаме, западната област Измир со 63, северозападната област Баликесир со 46 и југозападната област Ајдин со 35 плажи.
Извор: www.aa.com.tr
