Туркије ја потврди поддршката за Азербејџан по смртоносниот ерменски напад

АНКАРА (АА) – Туркије денес ја потврди својата поддршка за Азербејџан по ерменскиот напад во кој загинаа азербејџански војници, јавува Анадолу.

Турскиот министер за надворешни работи Мевлут Чавушоглу во телефонскиот разговор со неговиот колега Џејхун Бајрамов изрази сочувство за тројцата азербејџански војници убиени од ерменските сили во подрачјето Лачин во регионот Источен Зангезур.

Чавушоглу, исто така, ја повтори целосната поддршка на Туркије и турската нација за Азербејџан, според дипломатски извори.

Односите помеѓу двете поранешни советски републики Ерменија и Азербејџан се тензични од 1991 година, кога ерменската војска ги окупира Нагорно-Карабах, територија меѓународно признаена како дел од Азербејџан, и седум соседни региони.

Есента 2020 година Азербејџан ослободи неколку града, села и населби од ерменската окупација, пред повеќе од еден месец борбите да бидат прекинати со мировен договор со посредство на Русија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).