Германија ќе го легализира канабисот за лична употреба

1 min read

БЕРЛИН (АА) – Германија денес ги соопшти плановите за воведување нова легислатива што ќе им овозможи на полнолетните лица да поседуваат до 25 грама канабис за лично користење, јавува Анадолу.

На прес-конференцијата во Берлин, министерот за здравство Карл Лаутербах истакна дека новата легислатива има цел да се бори против црниот пазар и да ги намали казнените дела поврзани со дрогата.

„Претходната политика за канабисот не успеа“, рече Лаутербах, додавајќи дека забраната на канабисот не била ефикасна во ограничувањето на нејзината употреба и манипулирана од страна на криминалните групи.

„Нашата нова политика е за контролирана дистрибуција на канабис до полнолетните лица во јасно одредени граници“, рече тој.

Според планот на Владата, на лицата на возраст од 18 и повеќе години ќе им биде дозволено да поседуваат до 25 грама канабис.

Ќе биде дозволено и одгледување до три растенија канабис за лична употреба.

На непрофитните здруженија, со најмногу 500 члена, ќе им биде дозволено да одгледуваат канабис и да го дистрибуираат до своите членови.

Еден член може да добие најмногу 50 грама канабис месечно, според предлог-легислативата.

Либералната коалициска Влада на левиот центар на канцеларот Олаф Шолц планира да ја финализира работата на законските измени во наредните недели и да ги достави до Парламентот на одобрување.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Туркије ја потврди поддршката за Азербејџан по смртоносниот ерменски напад

Следно

Обвинителство: Се преземаат мерки за расчистување на случајот со починатото дете кое беше нападнато од куче

Latest from Blog