Tрагедија вечерва во Илинден: Девојче загина, откако малолетници опожариле цистерна

1 min read

Несреќа се случила вечерва во населбата Илинден во Скопје.

Според информациите малолетно девојче починало откако експлодирала цистерна кај железничката станица.

До експлозијата дошло откако малолетници од засега непознати причини ја опожариле цистерна која потоа експлодирала.

Не е познато дали двете малолетни деца кој ја опожариле цистерната и починатото малолетно девојче биле заедно .

Oд полицијата го потврдуваат настанот, но немаат потврда за починато лице бидејќи увидот на терен се уште трае. Информацијата дека малолетно женско лице е најверојатно починато и полицијата добила од двете малолетни деца кои самите го пријавиле настанот во полиција и кажале дека имало и девојче кое најверојатно настрадало.

„Во 21.05ч. во ПО-Петровец С. К. пријавил дека во населба Илинден  кај железничката  станица,  од страна на малолетни лица   опожарена  е цистерна.  Двете малолетни деца   се кај него дома   и по обавениот разговор  со децата  посочено е дека на  цистерната  најверојатно има  малолетно женско лице  и истото е починато.

На лице место се упатени полициски службеници за расчистување на случајот. Ова е првична информација според тоа како е пријавено. Повеќе детали ќе имаме подоцна.„ велат од МВР. 

ИЗВОР: skopjeinfo.mk

Претходно

Портпарол на Судскиот совет води пропагандна војна против ВМРО-ДПМНЕ преку медиуми блиски на СДСМ

Следно

Едно лица почина како последица на пожарот кој зафати цистерна во Илинден

Latest from Blog