Свечено отворен ТЕКНОФЕСТ, најголемиот турски фестивал на воздухопловство и технологија

April 28, 2023
1 min read

ИСТАНБУЛ (АА) – На Аеродромот „Ататурк“ во Истанбул денес со свечена церемонија официјално е отворен ТЕКНОФЕСТ, најголемиот турски фестивал на воздухопловство и технологија, известува Анадолу.

ТЕКНОФЕСТ, за кој свечената церемонија на отворање требаше да се одржи вчера, а сменета е за денес поради неповолните временски прилики, свечено ги отвори своите врати за натпреварувачите и граѓаните од сите делови на земјата, но и од странство. На свеченоста на отворањето присуствуваше и турскиот министер за индустрија и технологија Мустафа Варанк, претседателот на Управниот одбор на ТЕКНОФЕСТ и Фондацијата Т3, Селчук Бајрактар, голем број официјални лица и гости.

Седмиот ТЕКНОФЕСТ се одржува во организација на партнерство на повеќе организации кои играат клучна улога во развојот на турската национална технологија, а под покровителство на Министерството за индустрија и технологија и Фондацијата Т3.

Претседателот на Управниот одбор на ТЕКНОФЕСТ, Бајрактар, во своето обраќање на свеченоста по повод отворањето на фестивалот рече дека се случи потрес без преседан во светската историја и додаде:

„Технологиите што ги развиваме добиваат смисла само кога му користат на човештвото. Верувам дека нашите млади браќа во рамките на ТЕКНОФЕСТ ќе развијат технологии кои нудат решенија за потресите и катастрофите и се надеваме дека нашето утре ќе биде побезбедно. ТЕКНОФЕСТ стана име на тивката револуција. Брановите на оваа тивка револуција секоја година се сѐ пошироки. Кога тргнавме во 2018 година на технолошките натпреварувања што ги организиравме на ТЕКНОФЕСТ се пријавија 20.000 млади. Во овој краток временски период, бројката на нашите браќа и сестри што се пријавија на технолошките натпреварувања на ТЕКНОФЕСТ 2023 надмина 1 милион“, истакна Бајрактар.

Министерот Варанк рече дека секоја година се зголемува бројката на апликации за учество на ТЕКНОФЕСТ.

„Оваа година на технолошките натпреварувања што ги организиравме во 41 главна и 102 поткатегории се пријавија 332.000 тимови и повеќе од 1 милион натпреварувачи од 81 турска област и 66 земји. Станува збор за благо, 50-кратно зголемување за период од шест години. Тоа е најјасниот показател што нашите луѓе можат да сонуваат и да го остварат доколку за тоа им се пружи можност“, порача Варанк.

Петдневниот фестивал содржи бројни настани, како што се технолошки натпревари, аеромитинзи, концерти и семинари.

ТЕКНОФЕСТ има за цел да го зголеми интересот за технологија во Туркије. Првиот таков саем привлече околу половина милион посетители, додека фестивалот организиран во 2019 година го посетија 1,72 милиони луѓе, што е светски рекорд за настани во областа на авијацијата.

ТЕКНОФЕСТ во 2018 и 2019 беше организиран во Истанбул, а во 2020 година за првпат е организиран надвор од турската метропола, и тогаш домаќин на саемот беше Газиантеп, град во истоимената југоисточна област на Туркије.

Фестивалот во 2021 година повторно се одржа во турската финансиска престолнина Истанбул.

Минатата година ТЕКНОФЕСТ се одржа во турската црноморска област Самсун, а го посетија 1,25 милиони луѓе.

Првиот меѓународен фестивал ТЕКНОФЕСТ се одржа минатата година во Баку, главниот град на Азербејџан.

Десетици илјади натпреварувачи и тимови се пријавија на овој, сега веќе голем саем, во десетици различни категории.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Транс- култот стигнува и на Евровизија

Следно

Жители на Ѓорче Петров бараат да се врати старото име „Сремски фронт“ на улицата „Исмаил Кривца“

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop