Судот во Белград му одреди 30-дневен притвор на таткото на момчето кое уби осум ученици и чувар

May 5, 2023
2 mins read

Обвинителството соопшти дека таткото е обвинет за тешки кривични дела против општата безбедност и изјави дека на рочиштето негирал дека го сторил делото и дека детално ја изнел својата одбрана

Вишиот суд во Белград на таткото на момчето кое уби осум ученици и чувар во училиштето „Владислав Рибникар“ му одреди 30-дневен притвор, соопшти судот.

Притворот му е одреден поради „постоење на посебни околности кои укажуваат дека може за краток временски период да го повтори кривичното дело, како и поради тоа што за кривичното дело што му се става на товар е предвидена казна затвор над десет години, а начинот на извршување и тежината на последиците од кривичното дело доведоа до вознемиреност на јавноста, која може да го загрози непреченото и правично водење на кривичната постапка“.

Од Вишото јавно обвинителство во Белград претходно соопштија дека денеска е сослушан таткото на момчето и дека ќе му предложат притвор.

Обвинителството соопшти дека таткото е обвинет за тешки кривични дела против општата безбедност и изјави дека на рочиштето негирал дека го сторил делото и дека детално ја изнел својата одбрана.

„Постои сомневање дека синот го обучувал за ракување со огнено оружје и муниција така што го однел во стрелачки клуб да вежба гаѓање цел со огнено оружје и покрај тоа што детето има 13 години и таквата активност и обука очигледно не се соодветни за неговата животна возраст“,

изјавија од обвинитеството.

Осомничениот, како што се товари, „не обезбедил услови за безбедно сместување и чување оружје и муниција за да не можат да дојдат во сопственост на неовластени лица, односно да се заклучени и посебно одделени во сефови, каси или слични ормари што не можат лесно да се отворат“.

„Се сомнева дека поради ваквите негови дејствија на 3 мај неговиот син успеал да дојде во посед на пиштолите ‘ЦЗ сенка’ и ‘Ругер МК’, за кои таткото има дозволи од надлежен орган, а кои се наоѓале во неправилно обезбеден метален сеф во плакар во холот на станот“,

се вели во соопштението.

Вишото јавно обвинителство соопшти дека детето со себе однело оружје и муниција во училиштето кое го посетува, каде што, како што наведе, испукало поголем број истрели и ги одзело животите на чуварот и осум ученици, а тешко ранил шест ученици и наставник.

„Обвинителството ќе му предложи на судијата за претходна постапка на Вишиот суд во Белград да му одреди притвор на осомничениот за да не влијае врз сведоците, за да не го повтори кривичното дело во краток временски период и поради вознемиреност на јавноста“,

соопшти обвинителството.

Вишото јавно обвинителство потсети дека детето не одговара кривично според важечките прописи бидејќи не наполнило 14 години и дека е сместено на опсервација во соодветна психијатриска установа за деца и младинци.

* Поврзани вести:

Извор: 360stepeni.mk

MARKETING

MARKETING

Претходно

Галтие: Немам врска со суспензијата на Меси

Следно

Адвокатката на таткото на момчето кое уби деветмина во училиште: Оружјето е чувано согласно законот

Latest from Blog

Алчинов во Отворено: За да се направи пат до хидроелектраната на река Дошница ќе треба да се исечат 1000 хектари шума

Кристијан Алчинов од „Спас за нас“ во Отворено рече дека законот за хидроелектрани е склопен во полза на инвеститорите. Според него, за изградба на една хидроелектрана на реката Дошница ќе треба да

Елиминирана шампионката на Ролан Гарос

Актуелната шампионка на Ролан Гарос Американката Коко Гоф е елиминирана во првото коло на Вимблдон. За изненадувањето се погрижи 25-годишната Украинка Дајана Јастремска, која со 2:0 во сетови (7:6(3) и 6:1) ја

САД ја прославија 249-годишнината од независноста во Скопје

Во Амбасадата на Соединетите Американски Држави во Северна Македонија вечерва со свечен прием беше одбележан 4-ти јули – Денот на американската независност. Пред бројни гости, партнери и пријатели на САД, амбасадорката Анџела

Запленети околу 100 килограми марихуана во Струмица, лишени од слобода три лица

Во координирана акција на полицијата и Агенцијата за национална безбедност вчера во Струмица се запленети 100 килограми марихуана, а три лица се уапсени, соопштија денеска од МВР. Во соопштението се наведува дека

Ќостарова Унковска во Аргумент плус: Родителите на загинатите деца во Кочани се плашат од заборав

Клиничкиот психолог Лина Ќостарова Унковска во Аргумент плус рече дека трагедијата во Кочани е надвор од сите искуства. Според неа, родителите на загинатите деца не се плашат за нивните животи и за
Go toTop