Србија и Унгарија ќе ги поканат С Македонија и регионот да се приклучат кон изградбата на брза пруга

March 28, 2023
1 min read

Верувам дека тоа е во интерес и на ЕУ, која сака европскиот континент да биде поврзан, Грција е членка на ЕУ и ние ќе влеземе во ЕУ, вели српскиот министер Весиќ кој вели дека ова од аспект на железничкиот сообраќај ќе биде еден вид „Отворен Балкан плус“

Горан Весиќ и Јанош Лазар

Србија и Унгарија ќе ги поканат Северна Македонија, Бугарија, Албанија, Грција и Турција да се приклучат кон изградбата на брзата пруга.

Ваква вест пренесоа дел од српските медиуми по денешната средба на српскиот министер за градежништво, транспорт и инфраструктура, Горан Весиќ, со унгарскиот колега, Јанош Лазар, во Будимпешта.

Брзата пруга првично треба да ги поврзе Белград и Будимпешта, а денеска е разговарано за нејзино продолжување кон македонската граница.

„Разговаравме за продолжување на брзата пруга кон Ниш, а подоцна и кон македонската граница. Се договоривме заеднички да потпишеме една иницијатива и да испратиме покана до министрите за транспорт на Турција, Бугарија, Северна Македонија, Албанија и Грција и да разговараме за продолжување на брзата железница кон Албанија, односно преку Северна Македонија кон Грција и преку Бугарија кон Истанбул, така што брзата железница навистина би имала смисла и ќе ги поврзе нашите две земји со турскиот и грчкиот брег за патнички и карго сообраќај“,

изјави Весиќ.

Според него, оваа иницијатива се совпаѓа со иницијативата Отворен Балкан и кога станува збор за железничкиот сообраќај, вели Весиќ, може да биде еден вид „Отворен Балкан плус“.

За нас, рече Весиќ, е важно да се поврземе со Скопје и Тирана, Солун и Исанбул, а важно е и за Унгарците.

„Верувам дека тоа е во интерес и на ЕУ, која сака европскиот континент да биде поврзан, Грција е членка на ЕУ и ние ќе влеземе во ЕУ. На последниот состанок на Отворен Балкан имаше и претставници на Турција и Унгарија, а се огласија и претставници на Грција. Отворен Балкан станува се позначајна иницијатива, а тие и другите соседни земји кои не можат да станат членки, бидејќи се веќе во ЕУ, бараат да бидат набљудувачи бидејќи гледаат потенцијал во тој процес. Ова е како ’Отворен Балкан плус‘“,

објасни Весиќ.

Унгарскиот министер Јанош Лазар, исто така, рече дека Унгарија е заинтересирана за продолжување на брзата пруга јужно од Белград, во три правци, преку Бугарија во правец кон Турција и преку Северна Македонија во правец кон Грција, односно кон Албанија, да ја прошири мрежата на брзи железници и на овој начин стоката со железница значително полесно може да се транспортира во ЕУ.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Португалија: Две лица загинаа во напад во исламски центар во Лисабон

Следно

Кумановка нападнала малолетник во Кисела Вода

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop