Спасовски и Демерџиев утре ќе договараат како да се обезбеди мирна прослава на 4 февруари

January 29, 2023
1 min read

Македонскиот министер за внатрешни работи Оливер Спасовски и неговиот бугарски колега Иван Демерџиев утре на работна средба во Скопје ќе ги договараат заедничките активности кои двете земји ќе ги преземат за обезбедување мирна и безбедна средина за прославата на 4 февруари – денот на раѓањето на револуционерот Гоце Делчев.

Од Министерството за внатрешни работи информираа дека по завршувањето на средбата, нема да има изјави за медиумите, односно ќе биде издадено само соопштение.

Средбата доаѓа откако на социјалните мрежи беа објавени информации дека во Скопје на чествувањето на 151-годишнината од раѓањето на големиот револуционер Гоце Делчев, се очекува да пристигнат организирани групи на бугарски државјани.

По овие информации, пред три дена на социјалните мрежи од македонска страна започнаа да се организираат граѓани кои планираат да постават блокади на патиштата со цел да ги спречат бугарските државјани, кои најавија дека доаѓаат во Скопје на 4 февруари за одбележување на годишнината од раѓањето на Гоце Делчев. Освен најави за „ноќна стража“ од 3 февруари пред црквата „Свети Спас“, каде што се наоѓа гробот на Делчев, во повик на Фејсбук се повикува и на блокада на патиштата.

Министерот Спасовски пред неколку дена посочи дека нема никаква потреба од какво било организирање на граѓаните за блокади на патиштата или ноќни стражи, затоа што, како што нагласи, тука се институциите на системот.

„Апелирам до сите на мирно, достоинствено чествување, а државата, МВР и безбедносните служби се тука да направат сè и да обезбедат мирни услови“,

изјави Спасовски.

На денот на чествувањето, Патриотскиот институт на ВМРО-ДПМНЕ ќе организира „херојска стража“ со присуство на гробот на револуционерот на 4 февруари во текот на целиот ден, со започнување во 07:00, а претседателот Александар Пандов ги повика сите граѓани и почитувачи на делото на Делчев да дојдат во црквата Свети Спас и да изразат почит.

“ВМРО-ДПМНЕ  е браник на македонштината и патриотизмот и ние не смееме ниту по една цена да им го дозволиме да го направат тоа во Скопје. Ова е многу важен настан и исклучително важно е ние на 4ти февруари да се појавиме во што поголем број пред црквата Св. Спас во Скопје од 07:00 часот наутро”,

рече Пандов.

Инаку претходно, претседателот на државата Стево Пендаровски, по седницата на Советот за безбеност соопшти дека, според сите проценки и анализи на надлежните безбедносни служби, одбележувањето на раѓањето на Гоце Делчев на 4 февруари ќе биде настан од висок безбедносен ризик.  

На овој ден, како што истакна претседателот на државата, организирани структури во Бугарија се мобилизирани да поддржат организирано доаѓање во Скопје на повеќе лица, кои спроведуваат антидржавни кампањи кон С Македонија.  

Зборувајќи во овој контентекст, Пендаровски ѝ предложи на Владата да им забрани влез во државава на еден пратеник од Бугарија во Европскиот парламент и на неколку други лица – државјани на Бугарија поради дејствија што претходно ги преземале и сè уште ги преземаат против нашата држава.  

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Пиоли: Сега наша цел е место во Лигата на шампионите

Следно

Три лица загинаа во руското гранатирање на Херсон

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop