Сирија: Шаторите се засолниште за илјадници жртви на земјотресите во Џандарис

1 min read

АФРИН (АА) – Волонтери и филантропи придонесоа во обезбедувањето шатори за илјадници луѓе во Џандарис, кои се погодени од земјотресите кои го потресоа регионот, со епицентар во турската област Кахраманмараш, пренесува Анадолу.

Џандарис е подрачје кое е најмногу погодено од земјотресот, бидејќи испукаа ѕидовите на стотици куќи, а многу други се урнати.

Повеќе од 500 луѓе загинаа, а илјадници останаа без кров над главата.

Локалниот совет на Африн и хуманитарните организации поставија привремени засолништа за жртвите од земјотресот.

Во меѓувреме, тимови на сириската цивилна одбрана продолжуваат со акциите на пребарување и спасување.

Наваф Абдун, жртва на земјотресот, за Агенција Анадолу изјави дека преживеал, но ја изгубил куќата.

Абдун наведе дека засолништата и училиштата се преполни, а оние кои имаат куќа живеат со четири до пет семејства.

„Не успеавме да најдеме куќа во која би се засолниле, па сме во шатори, кои не се адекватни за студено време ниту за сместување на семејство“, појасни Абдун.

Без кров над главата е Амин Хаџи Садо.

Тој изрази надеж дека неговиот град ќе биде обновен со помошта на луѓе со добра волја.

Најмалку 171.843 лица се раселени од северниот дел на Сирија по земјотресите кои го потресоа овој регион, објавија сириските хуманитарни организации.

Во Сирија загинаа најмалку 3.688 лица, а над 14.749 се повредени во двата разорни земјотреси кои на 6 февруари го потресоа подрачјето на Туркије и на Сирија.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Братот на фудбалерот Атсу од Хатајспор, со пријателите чека покрај урнатините: „Жив е, не губиме надеж“

Следно

Ограбена обложувалница среде бел ден во Скопје

Latest from Blog