Северна Кореја ја опрема војската со нови фрлачи на ракети со калибар од 240 милиметри

СЕУЛ (АА) – Северна Кореја наскоро ќе ја опреми својата војска со нов повеќецевен фрлач на ракети со калибар од 240 милиметри, пренесува Анадолу.

Севернокорејскиот лидер Ким Џонг Ун го надгледуваше пробното истрелување на технички ажурирана верзија на ракетниот систем, објави Корејската централна новинска агенција (КЦНА).

Истиот извор јави дека ажурираниот ракетен фрлач ќе биде во инвентарот на Корејската народна армија како заменска опрема од 2024 до 2026 година.

КЦНА јави и дека Ким разговарал за начините за значително зголемување на производството на новиот систем и унапредување на борбените способности на војската.

Меѓукорејските односи се на една од најниските точки во последните неколку години. Јужна Кореја и нејзиниот сојузник САД ја обвинуваат Северна Кореја дека ѝ испраќа воена опрема на Русија за нејзините потреби во војната во Украина.

Москва и Пјонгјанг ги зајакнаа врските во последните месеци, а Ким минатата година престојуваше во официјална посета на Русија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.