Серија земјотреси со јачина над 4 степени регистрирани во Турција

1 min read

Земјотреси со интензитет од над 4 степени според Рихтеровата скала денеска беа регистрирани во Адјаман, Адана и Хатај, најпогодените области во Турција во разорните земјотреси од 6 февруари.

Земјотрес со интензитет од 4,4 степени е регистриран во 8 часот и 27 минути. Епицентарот на земјотресот бил во градот Челихан, а неговата длабочина била седум километри, информира Дирекцијата за управување со катастрофи и вонредни состојби (АФАД).

Претходно, во 3 часот и 20 минути земјотрес со интензитет од 4,1 степени според Рихтер ја погоди Адана. Неговиот епицентар бил во градот Туфанбејли, а длабочината била седум километри.

И жителите на градот Антакија (област Хатај), кој буквално беше срамнет со земја во земјотресите од 6 февруари, изутрината ги погоди нов земјотрес со интензитет од 4 степени. Земјотресот се случил во 6 часот и 3 минути, а неговата длабочина била 7,23 километри, информира АФАД.

Во меѓувреме, Дирекцијата за управување со катастрофи и вонредни состојби соопшти дека вкупно 45.996 лица биле сместени во привремените кампови во областите погодени од земјотресот.

ИЗВОР: kurir.mk

Претходно

Бајден бил опериран од рак на кожа, канцерогеното тело е успешно отстрането

Следно

Реконструкција на улицата Александар Урдаревски 04.3.2023

Latest from Blog