САД: Убил пет соседи откако му побарале да престане да пука во дворот за да заспијат бебе

April 29, 2023
1 min read

Убиецот, по кого сеуште се трага, е Мексиканец. Сите убени, меѓу кои е и 8 годишно дете, се од Хондурас. Барем две деца го преживеале нападот бидејќи дел од жртвите ги заштитиле со телата

Франциско Оропез е името на осомничениот извршител на последното во серијата масовни пукања со огнено оружје во Соединетите Американски Државни. Настанот се случил во малото гратче Кливленд (Област Сан Јакинто), Тексас.

Според истрага, пренесува Би-Би-Си, жртвите побарале од соседот Оропез, за кој се претпоставува дека бил пијан, да престане да пука во својот двор бидејќи се обидувале да заспијат бебе. Неговиот одговор, велат од локалната полиција, бил дека „ќе пукам во мојот двор, ќе правам што сакам во својот дом“.

Кливленд, Тексас (фото, принтскрин Си-Ен-Ен)

Откако двете страни се вратиле во своите куќи, Оропез ја наполнил пушката, пеш дошол кај соседите, влегол во нивната куќа и почнал да пука. Во моментот кога отворил оган, во куќата имало 10 лица. Четворицата возрасни починале на лице место, додека осумгодишното дете починало во болница.

Меѓу жртвите се две жени чии тела биле пронајдени врз две преживеани деца.

„Според мене, жените се обиделе да ги заштитат децата… На сите жртви им е пукано од вратот нагоре, во главата, во стил на егзекуција“,

изјавил локалниот шериф Грег Каперс.

По убиецот сеуште се трага. Не е исклучено дека е пребегнат во Мексико.

Друга сосетка, Вероника Пинеда, изјавила дека го слушнала пукањето но дека во населбата постојано се слушаат истрели, што веќе е станато нормално. „Секогаш се повикува полиција, но ништо не се прави“, додала таа.

Пред само неколку дена, девет лица беа повредени во пукање за време на тинејџерска забава во западен Тексас. Пред две недели, пак, четири млади беа убиени во пукање на забава за 16 годишен роденден во Алабама.

Инцидентите со оружје се прва причина за смрт на децата и тинејџерите во САД, покажуваат податоците на Центарот за превенција и контрола на болести на САД.

Извор: 360stepeni.mk

MARKETING

MARKETING

Претходно

Заменик-претседателот на Судскиот совет со „креативно“ толкување на разрешувањето на претседателката: Сè што не е забрането е дозволено

Следно

Директорката принудена на оставка поради голотијата на Давид на Микаленџело ја посети скулптурата

Latest from Blog

Франција покрена кривична истрага против компанијата „Икс“ за манипулација со алгоритмот

Француските обвинители започнаа кривична истрага против Фејсбук поради наводите дека компанијата, во сопственост на милијардерот Илон Маск, манипулирала со алгоритми со цел „странско мешање“. Судијата Лор Бекуо денес изјави дека обвинителите ја

УЕФА го исфрли Кристал Палас од Лига Европа

Овој тим нема да настапува во Лига Европа следната сезона, и покрај обезбедениот пласман преку ФА Купот, откако УЕФА донесе одлука да го премести во Конференциската лига. Според информациите на Sky Sports,

Бројот на убиени Палестинци во израелските напади во Газа надмина 57.800

ИСТАНБУЛ (АА) – Најмалку 57.823 Палестинци се убиени во геноцидната војна на Израел во Појасот Газа од октомври 2023 година, соопшти денес Министерството за здравство на енклавата, јавува Анадолу. Министерството истакна дека

Вкупно 32 пожари во Македонија

Центарот за управување со кризи информира дека до 20:30 часот имало вкупно 32 пожари од кои 4 се активни, 6 се под контрола и изгаснати се 22 пожари. АКТИВНИ: 4 Општина Теарце:
Go toTop