Руските сили извршија исклучително интензивен воздушен напад врз Киев, велат локалните власти

May 16, 2023
1 min read

Градоначалникот на Киев Виталиј Кличко објави дека остатоците од новиот руски напад запалиле неколку автомобили и оштетиле зграда во населбата Соломјански, во западниот дел на главниот град. Според него повредени се три лица

Руските сили рано утрово извршија, како што се наведува, исклучително интензивен воздушен напад врз Киев, користејќи беспилотни летала и крстосувачки, а според некои извештаи, веројатно и балистички ракети, објавија властите на главниот град на Украина.  

Илустративна фотографија/Фото: Архива

Станува збор за осми воздушен напад на Киев во текот на овој месец. 

 „Во однос на интензитетот, тој беше исклучителен – максимален број ракети во најкраток можен временски период“, 

објави на Телеграм шефот на воената администрација на главниот град на Украина, Серхиј Попко.

Според прелиминарните информации, наведува тој, повеќето од непријателските цели во воздушниот простор на Киев биле детектирани и уништени.   

Градоначалникот на Киев, Виталиј Кличко, објави дека остатоците од новиот руски напад запалиле неколку автомобили и оштетиле зграда во населбата Соломјански, во западниот дел на главниот град. 

Според него, во нападот утринава биле повредени три лица.  

Тој додаде дека системите за противвоздушна одбрана одбиле напад со руски дрон јужно од градот Бориспил, кој се наоѓа југоисточно од Киев. 

Во Бориспил се наоѓа главниот комерцијален аеродром во Киев, кој беше затворен поради војната. 

Воената администрација на Киев наведува дека нема значителна штета во другите делови на градот, додека сè уште се собираат информации за евентуално повредени лица. 

Украинската служба за итни случаи објави фотографии од пожарникарите кои гаснат пожари низ Киев по нападот. 

Воздушниот напад на Киев доаѓа по посетата на украинскиот претседател Володимир Зеленски на клучните западноевропски земји во обид да издејствува дополнителна воена помош за украинската армија за конфликтот со Русија и најавената офанзива. По Рим, Берлин и Париз, каде имаше средби со највисоките државни власти на овие земји, Зеленски вчера престојуваше во Велика Британија каде се сретна и разговараше со британскиот премиер Риши Сунак.

Британските власти објавија дека на Украина ќе ѝ испорачаат стотици нови беспилотни летала со долг дострел од над 200 километри. Сепак, како што изјави портпаролот на британскиот премиер на прес-конференција, испорака на воени авиони, што Украина ги бара, не се дел од најавената помош.

Извор: 360stepeni.mk

MARKETING

MARKETING

Претходно

Пиоли: Никој не верува дека Милан може да се пласира во финалето, но…

Следно

Клоп: Ние сме во евро-куповите, а пред шест недели тие не беа ни видливи на хоризонтот

Latest from Blog

Турскиот парламент ги осуди израелските напади врз Сирија

ИСТАНБУЛ (АА) – Големото народно собрание на Турција во средата вечерта го одобри предлог на претседателството на парламентот со кој се осудуваат израелските напади врз Сирија, известува Анадолу. Парламентот најостро ги осуди

Руски гранати погодија станбена област во Источна Украина

СКОПЈЕ (АА) – Русија ја гранатираше украинската област Доњецк, уништувајќи три куќи, известува Анадолу. Русија изврши напад врз местото Костјантинивка, во Доњецк, предизвикувајќи пожари од кои се запалија неколку број куќи. Експлозиите

Земјотрес почувствуван во Македонија, епицентарот во Косово

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, вечерва во 22 часот и 43 минути регистрираше земјотрес

Македонските млади ракометарки дел од програмата „Почитувај го твојот талент“

Дел од македонските млади ракометарки кои се со младинската репрезентација на Европското првенство во Црна Гора беа учеснички на програмата „Почитувај го твојот талент“ организирана од Европската ракометна федерација (ЕХФ). На собирот

Висок американски дипломат: „Страните се согласија за чекорите со кои ќе се стави крај на ситуацијата во Сирија вечерва“

ВАШИНГТОН (АА) – Американскиот државен секретар Марко Рубио денес изјави дека сите страни се согласиле за „конкретни чекори“ кои ќе овозможат прекин на судирите во Сирија, известува Анадолу. „Ги ангажиравме сите страни
Go toTop