Руски извидувачки авион оштетен во саботажа на опозицијата во Белорусија

February 27, 2023
1 min read

Горда сум на сите Белоруси што продолжуваат да се спротивставуваат на руската хибридна окупација на Белорусија и се борат за слободата на Украина, напиша лидерката на опозицијата Свјетлана Тихановска

Руски воен авион за набљудување А-50 бил оштетен во напад со дрон на аеродромот „Мачулиши“ во близина на белоруската престолнина Минск, потврдија членовите на белоруската опозиција во егзил, а лидерката на опозицијата Свјетлана Тихановска рече дека е горда на нив, пренесува „Киев индипендент“.

„Горда сум на сите Белоруси што продолжуваат да се спротивставуваат на руската хибридна окупација на Белорусија и се борат за слободата на Украина“,

напиша Тихановска.

Шефот на белоруската антивладина организација БИПОЛ, Александар Азаров, на Телеграм и на полскиот канал за вести „Белсат“ напиша дека станувало збор за беспилотни летала и оти учесниците во операцијата биле Белоруси.

„Тоа беа беспилотни летала. Учесниците во операцијата се Белоруси. Тие се сега безбедни, надвор од земјата“,

изјави Азаров.

Советникот на белорускиот опозициски лидер Свјетлана Тихановска во објава на Твитер рече дека ова е најуспешниот чин на саботажа од почетокот на 2022 година.

Предните и централните делови на авионот, како и радарската антена, се оштетени како резултат на две експлозии во нападот на воздухопловната база во близина на Минск. Рускиот авион „бериев А-50“ е наменет за воздушно рано предупредување и има можност за следење до 60 цели истовремено.

Од почетокот на руската инвазија на Украина пред една година, имаше неколку саботажи во Белорусија и во руските региони кои граничат со Украина, особено на железничкиот систем.

Белорускиот претседател Александар Лукашенко не учествуваше директно во руската војна против Украина, но им дозволи на руските сили да ја користат територијата на почетокот на инвазијата пред една година. Во Белорусија се распоредени одреден број руски воени авиони и авиони за рано предупредување и контрола.

Извор: 360stepeni.mk

MARKETING

MARKETING

Претходно

Изречени казни за 194 возачи во општина Ѓорче Петров и Сарај

Следно

Републиканците во САД бараат лојалност од членовите кои учествуваат во изборните дебати

Latest from Blog

Арабел Рустемовски освои бронзен медал на Европското јуниорско првенство

Арабел Рустемовски освои бронзен медал на Европското јуниорско првенство во Нови Пазар, Србија. Арабел загуби од Владимир Мшецјан од Ерменија 1-4, односно 1-2 во рунди. Ова е голем успех за Арабел, Македонија

Авионска дезинсекција против комарци во среда во Скопје

Градот Скопје ги известува граѓаните дека на 16.07.2025 година (среда), во раните утрински часови ќе се реализира авионска дезинсекција на подрачјето на градот Скопје, против  ларви од комарци. Доколку временските услови не

Мицкоски конечно призна дека државата доцни со поврат на ДДВ: Срамно е граѓаните и фирмите да му се јавуваат нему

Социјалдемократскиот сојуз смета дека срамно е премиерот Христијан Мицкоски да ги повикува фирмите да му се јавуваат за повратот на ДДВ. „Денес премиерот Христијан Мицкоски конечно призна дека државата со месеци доцни
Go toTop