АНКАРА (АА) – Првата дама на Туркије, Емине Ердоган, денес ја прими јапонската принцеза, сопругата на престолонаследникот на Јапонија, која е во официјална посета на Анкара по повод 100-годишнината од јапонско-турските односи, јавува Анадолу.
Ердоган и Кико ја посетија националната библиотека во главниот град Анкара.
Нивна прва станица беше изложбата „Фатих Султан Мехмет“, отворена по повод одбележувањето на 571-годишнината од освојувањето на Истанбул.
Потоа тие го посетија делот за Јапонија во националната библиотека, во која се наоѓаат 600 книги на јапонски јазик.
„Наша желба е оваа значајна посета дополнително да ја зајакне соработката меѓу нашите земји“, порача Ердоган преку платформата X по средбата.
Јапонскиот престолонаследник Фумихито и престолонаследничката принцезата Кико пристигнаа во Анкара синоќа, а ова е нивна прва посета на Туркије по повод 100-годишнината од дипломатските односи меѓу двете држави. Тие треба да се вратат во Јапонија во недела.
Оваа посета ги истакнува долготрајните односи и меѓусебното почитување меѓу двете земји, ветувајќи унапредување на билатералното разбирање и соработка.
Извор: Anadolu Agency (AA)
