Претседателот на Мексико, Обрадор, накратко се онесвести поради КОВИД

1 min read

МЕКСИКО СИТИ (АА) – Претседателот на Мексико, Андрес Мануел Лопес Обрадор, изјави дека „накратко се онесвестил поради КОВИД-19“, известува Анадолу.

Во видеопораката што ја објави Канцеларијата на претседателот, Обрадор информираше за својата здравствена состојба.

Тој рече дека за време на состанокот со воените офицери во градот Мерида, во државата Јукатан, „накратко се онесвестил бидејќи му паднал притисокот“ поради КОВИД-19.

Обрадор рече дека со хеликоптер на итна помош бил пренесен во главниот град Мексико Сити. Зборувајќи дека обично има проблеми со срцето, посочи дека овој пат влошувањето на неговото здравје „не е предизвикано од срцето“.

Лекувањето ќе го продолжи во домашни услови, а министерот за внатрешни работи Адан Агусто Лопез Хернандез ќе одржува дневни брифинзи за новинарите додека Обрадор не оздрави.

Обрадор (69), кој во 2021 година двапати беше заразен со КОВИД-19, има доживеано срцев удар во 2013 година, а во 2022 година му е извршена срцева катетеризација.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Започна гласањето на турските иселеници во Европа за претседателските и парламентарните избори

Следно

Приведена скопјанка поради кражба во продажен објект

Latest from Blog