Градоначалникот на Општина Пробиштип, Тони Тоневски, по повод големиот христијански празник Духовден го посети манастирот во Костомар, каде заедно со бројни верници присуствуваше на светата богослужба и ја сподели празничната радост.
По тој повод, Тоневски упати честитка до граѓаните, посакувајќи празникот на Светиот Дух да донесе мир, здравје, љубов и благосостојба во секој дом.
„Да ги чуваме верата и традицијата како темели на нашето општество“, порача градоначалникот.
Тој им го честиташе празникот на сите православни верници со желби за многу здравје, среќа и духовен мир, истакнувајќи го значењето на верските вредности и традицијата во зачувувањето на заедништвото и културниот идентитет.
