РИМ (АА) – Поранешниот италијански премиер, Силвио Берлускони, се наоѓа на одделот за интензивна нега во болницата „Сан Рафаеле“ во Милано поради респираторни проблеми, соопшти италијанската новинска агенција АНСА, пренесува Анадолу.
Медиумскиот могул и премиер во три мандати минатата недела беше отпуштен од оваа болница.
Портпаролот на Берлускони не беше достапен за коментар.
Берлускони (86) во изминатите неколку години се соочи со неколку здравствени проблеми, меѓу кои и срцев удар во 2016 година, за кој неговиот доктор рече дека можело да биде фатален, како и итна операција на цревата во 2019 година.
Во 2020 година тој имаше компликации од КОВИД-19, за кој изјави дека му било најлошо искуство во животот.
Извор: www.aa.com.tr
