Поплавите предизвикани од циклонот Јаку одзедоа 65 животи во Перу, петмина се исчезнати

БОГОТА (АА) – Најмалку 65 лица ги загубија животите, а петмина се водат за исчезнати по поплавите предизвикани од тропскиот циклон Јаку во јужноамериканската држава Перу, известува Анадолу.

Локалните медиуми објавија дека циклонот, кој зафати голем број градови во земјата, предизвикал поплави и големи разурнувања.

Според досегашните извештаи, во поплавите што ги предизвика циклонот Јаку, животот го загубија 65 лица, а петмина се водат за исчезнати.

Во последниот извештај на Цивилната заштита се наведува дека од оваа природна катастрофа се погодени 66.853 лица. Притоа оштетени се 9.677 објекти, а уништени се 1.541 куќа.

Поплавите оштетија 56 училишта, 116 здравствени установи и 239 моста.

Циклонот Јаку уништи и 11.000 хектари обработливо земјиште.

Перуанската Влада објави дека е воведена вонредна состојба во период од 6 месеци во 154 окрузи во земјата.

Националната метеоролошка и хидролошка служба објави дека има голем пораст на нивото на водите на 11 реки во регионите Аркипа, Хуанкавелица, Лима, Лорето и Сан Мартин.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..