ПОЧИНА ЈАПОНСКИОТ КОМПОЗИТОР И ОСКАРОВЕЦ РЈУИЧИ САКАМОТО

April 2, 2023
1 min read

Прославениот јапонски композитор и продуцент Рјуичи Сакамото почина на 71 година, две години откако повторно му беше дијагностициран рак на дебелото црево. Неговото семејство денеска објави дека починал во вторникот.

Сакамото со наградата за животно дело на фестивалот Скопје синема сити во 2018 (Фото: Фејсбук)

Сакамото беше почитуван за неговите експериментирања со електронската музика, а меѓу многубројните награди што ги доби се истакнуваат Оскар, Греми и БАФТА.

Инспириран од „Битлс“ и Клод Дебиси, Сакамото почнал да учи компонирање на десетгодишна возраст. Тој беше еден од основачите на групата „Јелоу меџик оркестра“ во 1978 година, чии синтисајзерски иновации извршија големо влијание врз техно попот и хип хопот. Сними и 19 соло албуми.

Азиската музика имала силно влијание врз Дебиси и Дебиси оствари големо влијание врз мене. Така музиката оди низ светот и прави полн круг“, кажа Сакамото во едно интервју од 2010 година.

Голем е неговиот придонес и во светот на филмот. Глумеше покрај Дејвид Боуви во „Среќен Божиќ, господине Лоренс“ и напиша музика за повеќе од 100 филмови и серии. За „Последниот кинески цар“ освои Оскар и Златен глобус во 1988, како и Греми следната година.

Сакамото, кој беше антинуклеарен и еколошки активист, во 2014 паузираше од работа околу една година за да се лекува од рак на грлото. Иако излечен по долгогодишно лекување, во јануари 2021 објави на својата веб-страница дека му бил дијагностициран рак на дебелото црево.

Во декември 2022, Сакамото го одржа она што беше јасно наменето да биде проштален концерт за неговите обожаватели, емитуван на Интернет.

Мојата сила навистина опадна, па нормален концерт од околу еден час до деведесет минути би бил многу тежок“, рече тој во пораката на Интернет неколку дена претходно.

Како резултат на тоа, го снимив песна по песна и го измонтирав заедно за да може да се претстави како обичен концерт, што верувам дека може да биде пријатно на вообичаен начин. Ве молиме, уживајте“.

Во 2018, Сакамото ја прими наградата за животно дело на фестивалот Скопје синема сити.

ИЗВОР: sdk.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Неколку десетици илјади учесници на „Маршот за правда“ во Приштина за поддршка на Хашим Тачи и другите обвинети во Хаг

Следно

Први излезни анкети од Бугарија: Тесна трка меѓу коалициите на Петков и Борисов

Latest from Blog

Ден на светиот свештеномаченик Дионисиј Ареопагит

Според календарот на МПЦ (Јулијанскиот календар) денеска е 3 октомври. Светиот свештеномаченик Дионисиј Ареопагит Се вбројува во Седумдесеттемина помали апостоли. Овој прекрасен маж беше од угледно нензабожечко семејство од Атина. Откако заврши

18 години без нашиот Тоше: Никогаш нема да те заборавиме!

На денешен ден, во 2007-ма година, македонската и балканската музичка мега-ѕвезда Тоше Проески загинал во сообраќајна несреќа на автопатот Загреб – Липовац, кај местото Нова Градишка, во Хрватска. Тој ги објавил албумите

Чарли Шин за интимните односи со мажи: Плаќав за да остане тајна

Откритијата дојдоа со објавувањето на неговите мемоари „Книгата за Шин“ и документарната серија на Нетфликс, позната како Чарли Шин. Милиони за молчење Едно од најзначајните признанија на Шин е за неговите сексуални

Се обидел да изеде смрдливо тофу, но не очекувал дека ќе биде толку лошо- снимката е хит (ВИДЕО)

Младиот инстаграмер си играше со стомакот и се обиде да изеде таканареченото смрдливо тофу, едно од омилените улични деликатеси во Источна Азија. Вистински кулинарски предизвик Веднаш ќе откриеме дека се покајал што
Go toTop