По шест децении во Гази Баба асфалтирана улицата што води кон поликлиниката во Ченто

Градоначалникот на општина Гази Баба Бобан Стефковски информираше дека продолжува градежната офанзива во Гази Баба.

-Продолжува градежната офанзива низ Гази Баба. Ја асфалтиравме улицата што води кон поликлиниката во Ченто. При мојата посета ја сретнав тетка Васка која вели: По 60 години конечно некој ја направи оваа улица. Времето на лажни ветувања е завршено. Денес зборот важи и се исполнува. Со асфалтирањето на оваа улица обезбедуваме услови за полесен и побезбеден пристап до поликлиниката и за граѓаните но и за јавните служби на Брзата помош. Во следниот период голем број на улици ќе бидат асфалтирани. Имаме план и програма кои ќе донесат подобри услови за живот на сите граѓани во општина Гази Баба, вели Стефковски во објава на својот фејсбук профил.