ОН бараат 1 милијарда долари за помош на милиони луѓе во Турција

1 min read

Обединетите нации бараат од земјите-членки да обезбедат една милијарда долари за помош на милиони луѓе погодени од земјотресите во Турција и Сирија, во кои загинаа речиси 42.000 луѓе.

„Обединетите нации упатуваат хуманитарен апел за 1 милијарда долари за народот на Турција кој страда од најразорните земјотреси што ја погодија земјата“, рече генералниот секретар на ОН, Антонио Гутереш.

Тој додаде дека финансирањето за период од три месеци ќе им помогне на 5,2 милиони луѓе и ќе им овозможи на хуманитарните организации да обезбедат поддршка за напорите за помош предводени од владата во областите на безбедноста на храната, заштитата, образованието, водата и засолништата.

„Турција е дом на најголемиот број бегалци во светот и со години покажува огромна дарежливост кон своите сириски соседи. Сега е време светот да го поддржи народот на Турција, исто како што тие се солидаризираа со другите кои бараат помош“, рече Гутереш.

ИЗВОР: kurir.mk

Претходно

Зошто ако има помалку од половина апликации во однос на минатата година, сега има повеќе проекти коишто се одобрени, а буџетот е намален, прашува доц. д-р Кристина Николовска

Следно

Во Собранието продолжува дебата за владината реконструкција

Latest from Blog