Килијан Мбапе значително се промени во последните години. Од арогантно и разгалено детиште стана вистински лидер. Пред неколку дена ја доби честа да ја носи капитенската лента на француската репрезетација. Иако има само 24 години, Мбапе ја доби довербата од селекторот Дидие Дешамп да биде капитен на една од најсилните селекции на денешницата.
Одлуката да му се додели капитенската лента на Мбапе не им се допадна на сите, особено на Антоан Гризман, кој изрази одредено незадоволство. Гризман на својот роденден реши да го напушти кампот и да се прости од репрезентацијата, што јасно го покажува неговото разочарување. По таа одлука, Мбапе го направи вистинскиот потег, достоен за капитен.
Фудбалерот на ПСЖ реши да го врати назад Гризман и приватно да разговара со него. Француските весници пренесуваат дека една реченица од Мбапе била доволна за да го смири Гризман и двајцата се прегрнале која ја напуштиле просторијата во која разговарале. Мбапе му порача на Гризман, кој беше назначен за заменик капитен, дека го разбира неговото незадоволство, но дека го смета за лидер и многу важен играч за тимот. Сето ова се случи откако на напаѓачот на Атлетико Мадрид му беше врачена торта по повод неговиот 32-ор роденден.
Заедно со останатите играчи Мбапе му пееше роденденска честитка на репрезентативниот колега, а после тоа имаше разговор кој ги смири тензиите.
Happy 32nd birthday to newly-appointed France vice-captain Antoine Griezmann for yesterday 🎂pic.twitter.com/v6dLp2CRK6
— Get French Football News (@GFFN) March 22, 2023
Гризман е еден од најважните играчи на француската репрезентација во последната деценија, а одличните игри во дресот на „триколорите“ ги круниса со освојување на Светското првенство во Русија. Тој имаше значајна улога и на Светското првенство во Катар, но Мбапе го засени со осум гола на турнирот и со тоа го стави во втор план. Французите со домашен натпревар против Холандија утревечер ги отвораат квалификациите за Европското првенство во Германија.
ИЗВОР: kurir.mk
