Ново издание на 360°: За 61 % од гласачите на ВМРО-ДПМНЕ членство во ЕУ не е добра работа, за 81 % од гласачите на СДСМ Бугарија е закана за земјава

Погледнете го новото издание на емисијата „360 степени“, емитувано на 10 февруари 2023 г. на ТВ Алсат, во кое ги анализираме драматичните податоци од анкетата „Еврометар“

Повеќе од 60 % од поддржувачите на ВМРО-ДПМНЕ и на Левица сметаат дека членство на земјава во Европската Унија не би било добра работа. Од друга страна, дека Бугарија е закана за Македонија велат 80,9 отсто од поддржувачите на СДСМ. Вкрстените податоците од истражувањето на јавното мислење насловено „Еврометар“ ги објави извршниот директор на „Евротинк“, Димитар Николовски, во гостување во емисијата „360 степени“ на ТВ Алсат. Во анализата на драматичните бројки учествува и новинарот Џелал Незири.