ОСЛО (АА) – Власта на Норвешка издаде наредба дека 15 руски разузнавачи мораат да ја напуштат оваа нордиска земја, јавува Анадолу.
„Петнаесет разузнавачки службеници учествуваа во активностите кои не се во согласност со нивниот дипломатски статус“, рече министерката за надворешни работи на Норвешка, Аникен Хајтфелд.
Таа изјави дека одлуката за нивното протерување од Норвешка е своевиден одговор на измената на безбедносната ситуација во Европа, која е доведена до зголемена разузнавачка закана од Русија.
„Ова е важен чекор во противставување и намалување на разни активности на руската разузнавачка служба, а со тоа и заштита на нашите национални интереси“, порача таа.
Хајтфелд истакна дека Норвешка тежнее кон нормални дипломатски односи со Русија и дека руските дипломати се добредојдени во Норвешка.
„Сакаме Русија и во иднина да има функционална дипломатска мисија во Норвешка, но нема да дозволиме дипломатските мисии да се злоупотребуваат со цел спроведување на тајни разузнавачки активности“, додаде Хајтфелд.
Извор: www.aa.com.tr
