Нема договор за Влада: Бугарија повторно оди на избори

January 24, 2023
1 min read

Бугарската социјалистичка партија (БСП) денеска му го врати мандатот за формирање влада на претседателот Румен Радев, откако не успеа да состави нова коалиција, отворајќи го патот за нови избори, петти во последните две години.

– Сфативме дека нема да можеме да ја добиеме потребната поддршка за формирање влада, рече претседателката на БСП, Корнелија Нинова.

По средбата Радев рече дека одлуката за датум за предвремените избори, ќе ја донесе во консултацијата со Централната изборна комисија (ЦИК). Тој денеска одржа средба со претставниците на ЦИК.

– Не можеше да се најде решение за излез од политичката криза. Затоа се движиме кон нови избори, изјави денеска бугарскиот претседател, осврнувајќи се на неуспешните напори на социјалистичките лидери да формираат коалиција.

Тој треба да најави распуштање на парламентот во наредните денови пред да се одржат изборите. Дел од партиските лидери побараа изборите да се одржат на 26 март, но ЦИК соопшти дека најран датум за одржување на изборите е 2 април, поради проблеми со доставата на хартија за апаратите за гласање.

Тоа ќе бидат петти избори од 2021 година за земјата, која минува низ политичка блокада без преседан од крајот на комунизмот во 1989 година. Аналитичарите се песимисти и предвидуваат сличен исход и на новите вонредни избори, без стабилно мнозинство со изгледи за нови избори наесен.

Поранешниот премиер Бојко Борисов, чија конзервативна партија ГЕРБ победи на изборите на 2 октомври, не успеа да најде сојузници за формирање влада. Потоа мандатот беше даден и на партиите кои беа на второ, односно трето место, според бројот на гласови, но и тие потфрлија.

ИЗВОР: kurir.mk

MARKETING

MARKETING

Претходно

Собранието го изгласа Законот за финансиска инспекција во јавниот сектор

Следно

Македонските граѓани ќе добијат електронски идентитет

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop