Најмалку еден убиен и двајца ранети во денешните руски ракетни напади врз Киев

January 26, 2023
1 min read

Според извештаите што ги пренесува „Гардијан“, вкупно 30 проектили биле истрелани од руска страна кон цели во Украина, од кои дел и врз главниот град Киев

Градоначалникот на Киев, Виталиј Кличко, утрово соопшти дека најмалку едно лице загинало, а две се повредени по најновиот бран на руски ракетни напади во Украина, јавува „Гардијан“.

Илустративна фотографија/Фото: Архива

„Како последица на удар на ракета, која погоди зграда во областа Холосивски, во моментов има информации за еден загинат и двајца ранети. Повредените лица се хоспитализирани од медицинските екипи“,

напиша Кличко на Телеграм.

Според извештаите што ги пренесува британскиот весник, вкупно 30 проектили биле истрелани од руска страна кон цели во Украина.

„Очекуваме повеќе од 30 проектили, кои веќе почнаа да се појавуваат на различни територии“,

изјави портпаролот на украинската војска Јуриј Игнат.

По него, со тврдења дека украинската противвоздушна одбрана соборила 15 крстаречки ракети кои се движеле кон Киев, излезе друг претставник на властите на земјата.

Тишината на студеното и снежно утро во Киев беше прекината во 10:06 часот по локално време, кога силни експлозии одекнале во близина на главната железничка станица.

Дека имало повеќе експлозии, на Телеграм објави и градоначалникот на Киев, Виталиј Кличко.

Шефот на кабинетот на украинскиот претседател, Андриј Јермак, информираше дека системите за воздушна одбрана на Украина утрово собориле неодреден број руски ракети.

Гувернерот на регионот Миколаев, Виталиј Ким, во објава на Телеграм информира дека два проектила биле забележани над територијата на овој регион.

Поради ризик од ракетните напади, најголемиот украински производител на електрична енергија објави дека врши вонредни исклучувања на електропреносната мрежа во Киев, остатокот од Киевската Област и областите Одеса и Днепропетровск.

Во текот на ноќта украинската армија објави дека противвоздушната одбрана ги соборила сите 24 руски беспилотни летала кои биле лансирани во синоќешниот напад на Украина.

Руските ракетни нападни врз цели во Украина доаѓаат еден ден откако САД и Германија соопштија дека ќе испратат тенкови „абрамс“ и „леопард 2“ како поддршка на Киев во војната со Русија.

Извор: 360stepeni.mk

MARKETING

MARKETING

Претходно

Скопјанец осомничен дека тешко повредил жена и ја држел заклучена

Следно

Италија: Запленети 250 милиони евра и уапси 56 припадници на мафијашкиот клан „Ндрангета“

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop