На затворена судска седница сослушан мажот кој пукаше во двете српски момчиња, неговиот адвокат вели дека пукал во самоодбрана

January 8, 2023
1 min read

За да се заштити од опасноста, според адвокатот, неговиот клиент пукал двапати, но не во толпата која наводно му се заканувала, туку еднаш во воздух и еднаш во асфалтот. Притоа, како што дополнил, тој не знаел дека во пукањето биле повредени двете момчиња

Во Основниот суд на Урошевац денеска се одржала затворена судска седница на која бил сослушан 33-годишниот Азем Куртај, осомничен за ранувањето на двете момчиња од српска националност врз кои беше пукано од возило во движење на 6 јануари.

Сослушувањето било затворено за медиумите, а од Судот информирале дека донесената одлука ќе биде соопштена преку писмено соопштение.

По седницата, адвокатот на осомничениот, Наим Ферати, изјавил дека неколку секунди пред инцидентот кој се случи пред два дена, Куртај бил нападнат со некој предмет и бил навредуван, по што пукал во самоодбрана.

„Во петокот попладне мојот клиент заедно со неговиот пријател патувале за Брезовица, кога одеднаш на патот ненајдено биле блокирани од толпа луѓе кои славеле, по што ненадејно биле нападнати“,

рекол адвокатот Ферати.

За да се заштити од опасноста, според адвокатот Ферати, неговиот клиент пукал двапати, но не во толпата која наводно му се заканувала, туку еднаш во воздух и еднаш во асфалтот. Притоа, како што дополнил, Куртај не знаел дека во пукањето биле повредени двете момчиња.

„Тој пукал еднаш во воздух за да ја растера толпата. Поради околностите и нападот што го претрпел во тие моменти, бил принуден повторно да пука кон земјата, овојпат кон асфалтот и во тие моменти успеал да го напушти местото, без да знае дека може некој да е повреден“,

додал адвокатот, посочувајќи дека неговиот клиент од социјалните мрежи дознал дека има повредени во пукањето.

Согласно тоа, адвокатот заклучил оти 33-годишникот немал намера да пука или повреди некого, туку дека пукал во самоодбрана, а тоа, како што додал, го потврдила и мајката на повредениот 11-годишник, Зорица Стојановиќ, која во изјава за српските медиуми изјавила дека „не било пукано во момчињата, туку на асфалтот“.

Двете српски момчиња Стефан Стојановиќ (11) и Милош Стојановиќ (21) беа ранети на 6 јануари кај Штрпце  откако во нив беше пукано од возило во движење кога без причина, локален Албанец, пукал во нив од возило во движење, соопшти во петокот Канцеларијата за Косово и Метохија на Владата на Србија.

По нападот, осомничениот 33-годишник со иницијали А.К., патем припадник на Косовските безбедносни сили, беше уапсен од косовската полиција.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Ал Наср се раздели со Абубакар за да го регистрира Роналдо

Следно

Објавени фотографии од Иранецот кој планирал терористички напад со смртоносни отрови во Германија

Latest from Blog

Сменета деканката на Медицинскиот факултет во Белград, нов вршител на должноста на чело на ФДУ

На денешната седница, Советот на Медицинскиот факултет при Универзитетот во Белград донесе одлука за разрешување на деканката Татјана Симиќ од функцијата. Заедно со неа, од функција се тргнати и сите продекани задолжени

Тен Хаг за само два месеци на клупата на Баер сериозно ќе ги наполни џебовите!

Ненадејното отпуштање на Ерик тен Хаг од Баер Леверкузен ќе му донесе сериозна финансиска компензација на холандскиот стратег, пишува „Билд“. Според информациите, стручњакот, кој се задржа само два месеца на клупата, ќе

Ураганот Кико и тропската бура Лорена се зајакнаа над источниот Пацифик

Ураганот Кико и тропската бура Лорена се зајакнаа над источниот Пацифик, а метеоролозите очекуваат бурата да донесе обилни дождови во Баја Калифорнија, објавија денес американските медиуми. Националниот центар за урагани во Мајами,

Мицкоски: Започна изградбата на нов продажен маркет на „Лидл“, ова е уште една потврда дека сме вистинска дестинација за инвеститорите

Премиерот Христијан Мицкоски денес се обрати на поставувањето на камен-темелник на нов продажен маркет на „Лидл“, проект кој е важен за македонската економија и за македонските граѓани. Порача дека со оваа инвестиција,

„Македонска држава“ – прва дигитална библиотека за македонското историско наследство стартува на 8 септември

Првата дигитална платформа со електронски книги, историски документи и истражувања кои опфаќаат над 150 години македонска историја, култура, поезија и патриотско творештво почнува со работа на 8 септември, Денот на независноста. Станува
Go toTop