Малолетничка со нож повредила ученик и наставничка во белградска гимназија

2 mins read

Во случајот, според порталот Н1, станува збор за девојче родено 2007 година, кое, како што кажале од полицијата, со нож им нанело исеченици на момче и на наставничка во оваа белградска гимназија. Овој случај доаѓа во момент кога целата нација се опоравува од шокот по вчерашното масовно убиство во основното училиште на Врачар

Српската полиција приведе поранешна ученичка во гимназијата „Руѓер Бошковиќ“, која со нож повредила ученик и професорка во ова средно училиште во Белгрда, јавуваат тамошните медиуми.

Полиција во Белград (Илустративна фотографија)/Фото/EPA-EFE/ANDREJ CUKIC

Во случајот, според порталот Н1 станува збор за девојче родено во 2007 година, кое, како што кажале од полицијата, со нож им нанело исеченици на момче и на наставничка во оваа белградска гимназија.

Таа веднаш била приведена во полиција.

Денеска, пак, полицијата во босанскиот град Бихаќ уапси младич кој на социјалните мрежи објавил дека ќе изврши масакр во средното училиште во кое учел, објави регионалниот сервис на Радио Слободна Европа, пренесувајќи ја изјавата на министерот за внатрешни работи на Унско-санскиот кантон на Босна и Херцеговина, Божидар Живко.

Како што јавија локалните медиуми, станува збор за возрасен млад човек кој е поранешен ученик во Мешовитото средно училиште во Бихаќ. Тој преку социјалните мрежи објавил статус во кој се заканува дека ќе направи сличен масакр како оној во Белград во кој загинаа осум ученици и чуварот на училиштето.

Овие случаи следуваат во момент кога целата Србија се опоравува од шокот по вчерашната трагедија во основното училиште „Владисалв Рибникар“, каде што 13-годишно момче со пиштол уби осум ученици и работник од обезбедувањето. Тој пукал со пиштол калибар 9 милиметри, а со себе носел и малокалибарски пиштол и четири молотови коктели.

Сите поврзани вести со масовното убиство во Белград:

Извор: 360stepeni.mk

Претходно

56-годишник нападнат од двајца малолетници кај Кале

Следно

ПСЖ го засили обезбедувањето по навивачките протести

Latest from Blog