ДИЈАРБАКИР (АА) – Во јужниот турски град Дијарбакир, дури 101 час по разорните земјотреси окарактеризирани како „катастрофа на столетието“, од под урнатините се спасени мајка и син, известува „Анадолу“.
Спасувачките екипи во населбата Баглар, во Дијарбакир, од под урнатините ја спасија 32-годишната Себахат Варли и нејзиниот 10-годишен син Серхат.
Мајката и синот по извлекувањето се префрлени во болница.
„Најмалку 18.342 лица загинаа, а 74.242 се повредени по двата силни земјотреси кои во понеделникот ги потресоа јужните делови на Туркије, а кои се окарактеризирани како катастрофа на столетието“, потврди турската Агенција за управување со катастрофи и вонредни состојби (АФАД).
Два разорни земјотреси со интензитет од 7,7 и 7,6 степени по Рихтер, во понеделникот ги потресоа јужните делови на Туркије со епицентар во Кахраманмараш, а бројни спасувачки екипи и понатаму посветено работат на акциите за претрага и спасување на луѓето заробени под урнатините на зградите.
АФАД објави дека во моментов на терен работат повеќе од 120.000 спасувачи и трагачи.
Извор: www.aa.com.tr
