Градоначалникот на Општина Битола, Тони Коњановски, упати честитка до граѓаните по повод најголемиот христијански празник – Велигден.
Во својата порака, Коњановски им посака на сограѓаните добро здравје, радост и среќа, истакнувајќи дека празничните денови треба да бидат исполнети со слога и топлина во семејствата.
Тој нагласи дека Велигден е празник кој ја симболизира победата на љубовта, надежта и доброто над злото, како и животот над смртта, потсетувајќи на вредностите кои треба да ги обединуваат граѓаните.
„На овој ден да се потсетиме на добрината, хуманоста и чесноста. Да се почитуваме меѓусебно, да ја негуваме традицијата и да создаваме убави нешта за идните генерации“, порача Коњановски.
Тој повика празникот Воскресение Христово да се слави со достоинство и со добрина, не само на овој ден, туку и во секојдневието.
Честитката ја заврши со традиционалниот поздрав: „Христос Воскресна – Навистина Воскресна!“.
