Ќе поскапи ли струјата од 1 јануари?

November 6, 2024
1 min read

Регулаторната комисија за енергетика (РКЕ) го разгледува барањето за зголемување на цените од енергетските компании, но конечната одлука за новата цена на струјата сè уште не е донесена. Претседателот на РКЕ, Марко Бислимовски, посочи дека доставените пресметки од компаниите се високи и за Комисијата неприфатливи.

Според информациите, операторот МЕМО побарал зголемување од речиси 80%, а МЕПСО за 50%. Бислимовски вели дека овие бројки се само дел од факторите кои ќе ја одредат финалната цена. Одлуката ќе зависи и од понудената цена од ЕСМ на тендерот за ЕВН Хоум и од трошоците за покривање на загубите на електрична енергија.

„Голем број на мали потрошувачи се враќаат на слободниот пазар, што создава притисок врз цената. Сепак, сè уште немаме податоци за цените по кои ќе се купуваат загубите,“ рече Бислимовски.

Премиерот Христијан Мицкоски изјави дека Владата се грижи за стандардот на граѓаните и не очекува поскапување од 1-ви јануари. Тој нагласи дека во план не се мерки за субвенционирање на сметките, какви што имаше претходно.

„Ние заедно со граѓаните работиме за да го зачуваме стандардот и не очекувам зголемување на цената,“ рече Мицкоски.

Додека одлуката за новата цена се очекува до крајот на годинава, засега останува евтината тарифа од 13 до 15 часот во денот, од 22 до 7 часот наутро и недела во текот на целиот ден.

ИЗВОР: racin.mk

MARKETING

MARKETING

Претходно

Тошковски најавува кривични пријави за злоупотреби во институциите

Следно

ВО ФОАЈЕТО НА БИТОЛСКИОТ ТЕАТАР ИЗЛОЖЕНА ТРАЈНАТА ПОСТАВКА СО ОСВОЕНИ НАГРАДИ, ПЛАКЕТИ И СТАТУЕТКИ

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop