Калифорнија: Поројните дождови се намалија, во досегашните поплави загинаа најмалку 20 лица

1 min read

Серијата обилни дождови што ја зафатија Калифорнија во последните три недели конечно стивнаа, дозволувајќи им на евакуираните да се вратат во своите домови, а државата да се фокусира на поправка на оштетените патишта и далноводи. Во девет последователни поројни дождови од 26 декември досега загинаа најмалку 20 луѓе, а десетици илјади се раселени, изјави гувернерот Гевин Њусом.

– Последниот дожд полека се намалува. Треба целосно да престане по полноќ, изјави метеорологот Дејвид Рот од Националната метеоролошка служба. Иако катастрофални, дождовите помогнаа да се ублажат последиците од историските суши со тоа што донесоа половина од просечните годишни врнежи.

Властите сè уште ги повикуваат граѓаните да ја штедат водата, имајќи предвид дека нарушувањето познато како атмосферски реки не стигнало до сливот на реката Колорадо, главниот извор на вода во Калифорнија.

Ново невреме може да донесе умерен дожд во вторник и среда, а остатокот од јануари би требало да биде сув, велат синоптичарите. Сепак, предупредуваат на можни одрони во кањоните и на ридовите бидејќи земјата е многу влажна по три недели дожд и снег, а некои реки може да се излеат.

Во многу калифорниски окрузи останува во сила вонредната состојба.

ИЗВОР: kurir.mk

Претходно

Луѓето оставаат цвеќе на споменикот во центарот на Москва за загинатите во Днепар

Следно

Таравари: Можно е да станеме дел од Владата, ако не, треба да се оди на избори

Latest from Blog