Израелските сили убија двајца Палестинци на окупираниот Западен брег

РАМАЛАХ (АА) – Израелската војска уби двајца Палестинци во текот на рацијата во градот Тулкерем на окупираниот Западен брег, известува Анадолу.

Во соопштението на палестинското Министерство за здравство се наведува дека телата на две лица кои ги усмртиле израелските сили се префрлени во болницата „Д-р Сабит“.

Според зборовите на очевидците, израелските сили се судриле со вооружените групи по рацијата во бегалскиот камп Нуршемс.

Очевидците рекле дека судирите траеле повеќе од еден час.

Израелските сили со месеци спроведуваат рации, особено во градовите Џенин и Наблус на Западниот брег, тврдејќи дека цел им е приведување на одредени лица.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..