Иран осуди белгиски хуманитарен работник на 40 години затвор и камшикување

January 10, 2023
1 min read

Иран зад затворени врати осуди белгиски хуманитарен работник на 40 години затвор и 74 удари со камшик под обвинение за шпионажа, јавија денеска државните медиуми.

На веб-страницата на иранскиот правосуден систем се наведува дека Револуционерниот суд го осудил 41-годишниот Оливие Вандекасл на 12,5 години затвор за шпионажа, 12,5 години за соработка со непријателски влади и 12,5 години за перење пари.

Белгиецот е казнет и со милион долари и 2,5 години затвор поради перење пари.

Сè уште нема информации дали обвиненијата се поврзани со антивладините протести што го тресат Иран во последните четири месеци, за кои иранските власти ги обвинуваат странските сили. Протестите почнаа по смртта на 22-годишната Махса Амини на 16 септември, откако беше уапсена во Техеран од полицијата за морал, поради наводно прекршување на строгиот кодекс на облекување.

Оттогаш, 14 лица се осудени на смрт во врска со протестите, а бројни странци и лица со двојни државјанства се уапсени и честопати им се суди без соодветна постапка, велат групите за заштита на човекови права.

Според иранскиот закон, Вандекастеле може да биде ослободен по 12,5 години. На веб-страницата на правосудството стои дека пресудите може да се обжалат.

Семејството на Белгиецот минатиот месец соопшти дека тој со месеци е притворен во ирански затвор и оти штрајкува со глад. Тие рекоа дека му е забранет пристап до адвокат по негов избор и оти страда од сериозни здравствени проблеми.

Белгија ги повика своите граѓани да го напуштат Иран, предупредувајќи ги дека се соочуваат со ризик од произволно апсење или нефер судење.

ИЗВОР: kurir.mk

MARKETING

MARKETING

Претходно

Сопругата на Дани Алвеш со поддршка за фудбалерот по обвинувањата за сексуално вознемирување

Следно

Шоле утре во Скопје на средба со Ковачевски

Latest from Blog

Арабел Рустемовски освои бронзен медал на Европското јуниорско првенство

Арабел Рустемовски освои бронзен медал на Европското јуниорско првенство во Нови Пазар, Србија. Арабел загуби од Владимир Мшецјан од Ерменија 1-4, односно 1-2 во рунди. Ова е голем успех за Арабел, Македонија

Авионска дезинсекција против комарци во среда во Скопје

Градот Скопје ги известува граѓаните дека на 16.07.2025 година (среда), во раните утрински часови ќе се реализира авионска дезинсекција на подрачјето на градот Скопје, против  ларви од комарци. Доколку временските услови не

Мицкоски конечно призна дека државата доцни со поврат на ДДВ: Срамно е граѓаните и фирмите да му се јавуваат нему

Социјалдемократскиот сојуз смета дека срамно е премиерот Христијан Мицкоски да ги повикува фирмите да му се јавуваат за повратот на ДДВ. „Денес премиерот Христијан Мицкоски конечно призна дека државата со месеци доцни
Go toTop