Градоначалникот на Општина Кисела Вода, Орце Ѓорѓиевски објави дека денеска бил одржан координативен состанок со општинскиот кризен штаб на кој присуствуваа и претставници од МВР, ЦУК и Црвениот Крст.
Ѓорѓиевски притоа посочи дека биле поставени темелите на заедничко делување во услови на снежни наноси во зимскиот период.
– Покрај специјализираните возила за чистење, на располагање ќе биде ставен и целиот човечки потенцијал за навремено делување и овозможување целосно проодни улици, а дежурните тимови ќе бидат на располагање 24/7. Претходно, остваривме средба и со фирмата која е ангажирана за чистење на снегот, а големи количини на сол беше поделена по сите градинки, основни училишта и местни заедници. Граѓаните да бидат спокојни, снегот не може да биде изненадување во зима и движењето ќе биде целосно овозможено и непречено, информира Ѓорѓиевски.
ИЗВОР: skopjeinfo.mk
