Германија на крајот на март ќе ѝ испрати на Украина „половина баталјон“ од тенковите „леопард 2“

February 15, 2023
1 min read

Борел денеска ги повика другите земји кои го вперуваа прстот во Германија, да ѝ се придружат во испраќањето тенкови во Украина

Фото: EPA-EFE/VALDA KALNINA

Додека НАТО сојузниците имаат тешкотии да ги соберат тенковите што ѝ ги ветија на Украина, Германија конечно објави конкретен период кога ќе испрати „половина баталјон“ од борбените тенкови „леопард 2“, што би значело околу 15 возила. Според најавите, Украинците ќе ги добијат тенковите крајот на март.

„Не успеавме да составиме баталјон, ќе биде половина баталјон. Германија ќе обезбеди 14 ’леопард 2 А6‘, а Португалија три. Сакам да појаснам дека нашите ќе бидат испорачани во последната недела од март. Тој е сигурно“,

рече денеска германскиот министер за одбрана, Борис Писториус по состанокот во Брисел.

Полска, пак, се обврзна дека ќе испрати цел баталјон тенкови „леопард 2“, но од постар модел. Меѓутоа, претседателот Анджеј Дуда кој допатува во Брисел за да се сретне со генералниот секретар на НАТО, Јенс Столтенберг, не кажа кога ќе успеат да ги доопремат сите тенкови.

Норвешка вчера најави дека ќе испрати осум тенкови од овој тип, но ни таа не кажа кога ќе го направи тоа.

Шефот на европската дипломатија, Жозеп Борел, денеска ги повика државите да ѝ се придружат на Германија во испраќањето тенкови на Украина откако беше објавена вест дека Данска и Холандија се откажале од испораката.

„Државите мора да испорачаат колку што може тенкови, што е можно побрзо. Ќе биде разочарувачки, бидејќи толку многу го вперуваа прстот во Германија, сега тие да не испратат тенкови“,

рече Борел во интервју за германската телевизија „Феникс“.

Тенковите „леопард“ кои се германско производство, ги има во повеќе од 10 војски во земјите членки на НАТО. Украина, според ветувањата кои ги доби, треба во наредните месеци да добие најмалку 100 „леопард 1“ – постар, но обновен модел.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

(ФОТО) Српските десничари го завршија протестот: Пратеник се обиде насилно да влезе во полициска станица

Следно

Донфрид: САД се загрижени поради извештаите за руски заговор за дестабилизација на Молдавија

Latest from Blog

Првиот робот што работи домашни задачи наместо луѓето – најдобрата иновација за 2025 година

Хуманоидниот робот Figure 03, создаден од стартапот Figure AI од Силициумската долина, е прогласен за најдобра иновација за 2025 година според магазинот Time. Овој робот е првиот што е способен да извршува

Тоневски: Населба за млади, бесплатен канцелариски простор за млади кои сакаат да отворат приватен бизнис

Тони Тоневски, кандидат за градоначалник за општина Пробиштип, од редовите на ВМРО-ДПМНЕ, денес гостуваше во емисијата Директно на Телма телевизија, при што го соопшти неговиот мотив за повторната кандидатура за градоначалник на

Роџерс повеќе не е менаџер на Селтик

Брендан Роџерс повеќе не е на чело на тимот на Селтик, откако искусниот стратег си поднесе оставка на оваа функција. Дермот Дезмонд, човекот кој што го има најголемиот пакет акции на клубот,

ВИДЕО Ураганот се приближува кон Јамајка: „Ова е последна шанса да ги заштитите вашите животи!“

Најсилната бура оваа година, ураганот Мелиса, се засилува пред да стигне до копно. Моментално е ураган од категорија 5 со ветрови до 184 милји на час, што го прави еден од најсилните
Go toTop