Германија ја одобри испораката на Леопард 1 во Украина

1 min read

БЕРЛИН (АА) – Германската Влада ја одобри испораката на тенковите Леопард 1 на Украина, од нејзините залихи, пренесува Агенција Анадолија (АА).

Повикувајќи се на владини извори, дневниот весник „Зидојче цајтунг“ денес објави дека штом ќе биде завршено нивното сервисирање, испораката може да се реализира.

Германскиот производител на оружје „Рајнметал“ и компанијата за производство на возила од Фленсбург (FFG) се подготвени да сервисираат десетици тенкови Леопард 1, кои би можеле да му бидат достават на Киев доколку сака да ги купи.

Весникот, исто така, објави дека германската Влада е во разговори со Катар за можно купување на 15 тенкови Гепард кои ќе бидат испратени во Украина.

Доха ги купи овие тенкови за обезбедување на стадионите на Светското првенство кон крајот на минатата година.

Во врска со новиот развој на настаните, германскиот министер за одбрана, Борис Писториус, истакна дека овие тенкови ќе бидат корисни за Украинците во борбата против Русија.

Зеленото светло на Германија минатата недела за испраќање на германски тенкови беше драматичен и чекор за кој Берлин долго се мислеше.

Претходно неделава, полскиот министер за одбрана ја доведе во прашање посветеноста на Берлин за помош на Киев во борбата против Русија, велејќи дека „не сум сигурен дали Германија сака Украина да победи во конфликтот“.

Прашан дали Германците навистина сакаат Украина да победи во војната што избувна минатиот февруари, Мариуш Блашчак рече: „Ова е прашање што секогаш го поставувам кога разговарам со германски официјални претставници“.

Тој за полското Радио 1 изјави дека Германија треба да обезбеди повеќе борбени тенкови за Украина и дека Варшава ќе продолжи да врши притисок врз Берлин во врска со тоа.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Чавушоглу: „Затворањето на конзулатите на некои западни земји е смислен потег“

Следно

Уште еден плоштад во Скопје се претвори во јавен паркинг

Latest from Blog