Германец стана петтиот пациент излечен од ХИВ

February 20, 2023
1 min read

Тој бил излекуван со трансплантација на матични клетки

Научниците објавија дека 53-годишен маж од германскиот град Дизелдорф се излекувал од ХИВ. Деталите за случајот ги претстави докторот Бјорн-Ерик Оле Јенсен во списанието „Нејчр Медисин“.

Мажот во публикацијата го нарекуваат „пациентот од Дизелдорф“ со цел да се заштити неговиот идентитет и тој е петтиот пациент кој се излечил од овој вирус.

Иако деталите за неговиот успешен третман првпат беа објавени на конференција во 2019 година, научниците тогаш не можеа да потврдат дека тој и официјално е излекуван.

Денеска објавија дека пациентот повеќе нема видлив вирус во телото дури и откако престанал да ги зема лековите против ХИВ пред четири години.

„Тоа е навистина лек, а не само долготрајна ремисија. Овој случај ни дава надеж, но има уште многу работа пред нас“,

вели докторот Јенсен.

Пациентот од Дизелдорф е дел од мала група луѓе кои се излекувани во екстремни околности со трансплантација на матични клетки, која вообичаено се применува само кај пациенти заболени од рак.

Трансплантацијата на матични клетки е процес од висок ризик кој го заменува имунолошкиот систем кај пациентот. Примарната цел на овој третман е пациентот да се излекува од рак, но во неколку случаи доведе и до излекување од ХИВ. Со оглед дека станува збор за комплицирана процедура, таа и не може да се понуди како лек кај сите пациенти заболени со ХИВ.

Првото лице излекувано до ХИВ беше регистрирано во 2009 година, а во јавноста беше објавен како „берлински пациент“. Потоа, во 2019 следуваше лондонскиот пациент, а пред околу една година ХИВ-от го победија пациент од Њујорк и пациент од Калифорнија.

Извор: 360stepeni.mk

MARKETING

MARKETING

Претходно

Уништени околу 1.400 килограми дрога и 270 парчиња оружје запленети минатата година

Следно

ВМРО-ДПМНЕ: Секогаш кога ДУИ се фатени во криминал или им е загрозена власта, ги злоупотребуваат Албанците или се закануваат со војна

Latest from Blog

Сојузот на здруженија на лозари бара плаќање на грозјето според шеќерни единици, инспекции кај откупувачи, субвенции за модернизирање за намалување на трошоците за производство

„По објавувањето на цените за килограм грозје, иако овие цени се највисоки досега, револтот кај лозарите е очигледен, бидејќи овие цени не соодветствуваат со трошоците за производство на килограм грозје. Цените на

Хоспитализиран тренерот на Аталанта

Хрватскиот стратег на клупата на Аталанта, Иван Јуриќ, го пропушти почетокот на подготовките на калчолигашот поради здравствени проблеми. Аталанта соопшти попладнево дека здравствената состојба на Јуриќ се подобрува и се очекува наскоро
Go toTop