Градоначалникот на Општина Илинден, Александар Георгиевски денеска беше на увид на изградбата на кружен тек во населеното место Илинден.
– Денеска сме на увид на изградба на кружен тек во населено место Илинден. Кружен тек кој што ќе ги спојува трите најглавни артерии во населено место Илинден, па може да кажеме и на општината, и уште една четврта ново планирана улица. Овој кружен тек и те како ќе биде подобрување за безбедноста во сообраќајот и ќе го среди сообраќајниот хаос во населеното место Илинден, вели Георгиевски.
Георгиевски кажа дека во исто време се работи на на пешачки патеки.
– Паралелно со изградбата на овој кружен тек се работат и пешачки патеки околу него, ќе следи комплетно осветлување, партерно и хортикултурно уредување. Во овој момент исто така денеска ја завршуваме и пешачката патека која ја реконстуиравме на улица 2 од 620 метри. Овој период и следниот период се работи и на други проекти, само ќе спомена веќе во завршна фаза и во пуштање во употреба на колекторскиот систем во должина о д 4 и пол метри меѓу населените места Илинден и Марино веќе се работи на приклучоци. Во месноста Јака фекалната канализација во должина од 6.300 метри е изграден, и таму може приклучоци да се поставуваат, кажа Георгиевски.
Градоначалникот на Илинден кажа и кои проекти ќе се реализираат во 2023 година.
– Во оваа година ќе започнеме со реализација на дел од планот за фекална канализација во населба Илинден месноста Плац. Се работи на нов проект на канализација во населено место Кадино, а исто така ќе ги реконструираме патот Миладиновци – Бујковци во должина од 1.500 метри, патот Хиподром Илинден во должина од 700 метри, ќе започне втора фаза на реконструкција 532 во населено место Марино што го поврзува со Кадино и ќе градиме ново мултифункционално игралиште во населено место Илинден, а ќе се реконструираат и постоечки спортски игралишта во Кадино, Миладиновци и други населени места, ќе се градат детски паркови, ќе ја пробиеме новата трим патека, ќе работиме на доградба на градинката за проширување, нови 300 квадрати градинка и тоа е планирано оваа година, и многу други проекти кои што периодот ќе ги реализираме, вели градоначалникот.
ИЗВОР: skopjeinfo.mk
