Фото | Сведоштво на мајка и ќерка од скопско: Со тупаници и стапало нѐ удираше во лице, а уште шета слободно

1 min read

Скопјанката Мелиса Захитовиќ која заедно со нејзината мајка биле натепани во нивниот двор од страна на сосед, преку социјалните мрежи посочува дека насилникот е се уште на слобода. Реакцијата доаѓа откако од Министерството за внатрешни работи информираа дека лицето е уапсено. Захитовиќ прашува колкумина треба да бидат нападнати за да државата реагира.

„Државо? Насилникот кој мене и мојата мајка физички брутално не нападна во мојот двор на 27.04. 2023г., удирајќи не со тупаници и со нозе, влечејќи не за коса и удирајќи не со стопалото во лице, е на слобода и се шета слободно. Уште колку лица треба да бидат физички нападнати од тој монструм, за оваа држава да реагира??“, сведочи Захитовиќ.

Таа вели дека живеат во страв, чекајќи на институциите да реагираат. Според неа, добиваат и закани.

Од МВР претходно информираа дека насилникот е уапсен.

„Веднаш по добиената пријава од М.З. дека на 27.04.2023 во дворот пред нејзиниот дом во Петровец била физички нападната од Е.Л. од Петровец, кој потоа ја нападнал и нејзината мајка З.З., преземени се соодветни мерки и активности. Е.Л. е лишен од слобода и во службен разговор во полициска станица го признал делото. Известен е јавен обвинител и против Е.Л. по документирање на случајот ќе биде поднесена кривична пријава за кривично дело насилство по чл.386 од КЗ“, се вели во соопштението од полицијата. 

 

ИЗВОР: skopjeinfo.mk

Претходно

Грковска очекува надлежните да покренат постапки за случувањата во Судскиот совет

Следно

Расфрланите мртви тела на подот во загрепската болница можно е да се подметната сцена – вели градоначалникот Томашевиќ

Latest from Blog