ЕУ: Путин, од специјална операција, се префрли на војна против НАТО и Западот

1 min read

Стефано Санино денеска, говорејќи на прес-конференција во Токио во рамките на неговата азиско-пацифичка турнеја, рече дека Путин „од концептот на специјална воена операција преминал на концептот на војна против НАТО и Западот“

Стефано Санино, генералниот секретар на Европската служба за надворешни работи (ЕЕАС), денеска ја бранеше одлуката на Германија и САД да испратат западни тенкови во Украина, додавајќи дека рускиот претседател Владимир Путин „води војна против НАТО и Западот“.

Како што пренесува АП, Санино денеска, говорејќи на прес-конференција во Токио во рамките на неговата азиско-пацифичка турнеја, рече дека Путин „од концептот на специјална воена операција преминал на концептот на војна против НАТО и Западот“. Тој додаде дека американските, британските и германските тенкови треба да ѝ помогнат на Украина да се одбрани од руската агресија.

„Мислам дека најновите случувања во врска со испораката на оружје за Украина се само еволуција на моменталната ситуација, односно начинот на кој Русија влегува во поинаква фаза од војната“,

рече Санино, додавајќи дека Русија повеќе не напаѓа воени цели, туку цивилна инфраструктура, градови и цивили.

ЕУ не е таа што ја однесе војната во нова фаза, таа само ѝ помага на Украина да спаси човечки животи и да се одбрани од варварски напади, рече тој.

Извор: 360stepeni.mk

Претходно

Аеродром е првата општина која воведува текбол во основните училишта

Следно

Убиен шефот на обезбедувањето на Амбасадата на Азербејџан во Техеран

Latest from Blog