Ердоган со рано водство, но се очекува разликата да се намалува

May 14, 2023
1 min read

Од 9,1% од одработените гласачки ливчиња, актуелниот претседател Реџеп Тајип Ердоган добил 59,47% од гласовите, додека пак неговиот главен опонент Кемал Киличдароглу има 34,79%, јавува Ројтерс. Според агенцијата, разликата се очекува да се намали со пребројувањето на гласовите. Првичните резултати се очекувало да бидат во корист на Ердоган, бидејќи првите гласови кои се бројат обично доаѓаат од конзервативните и рурални делови на Турција кои стандардно гласаат за партијата на Ердоган.

Четири извори од турската опозиција изјавија дека според нивните информации лидерот на опозицијата Киличдароглу води со мала разлика.

Инаку, претходно претседателот на Врховната изборна комисија на Турција (ЈСК) Ахмет Јенер изјави дека изборниот процес е завршен и оти досега не е забележана негативна ситуација, пренесува агенцијата Анадолија.

„Изборниот процес за претседателските и парламентарните избори е завршен. Не евидентиравме никаква негативна ситуација“,

изјави Јенер.

Сепак, тој истакна дека во текот на изборниот процес еден набљудувач и двајца граѓани починале како последица на инфаркт и изрази сочувство до семејствата на починатите. Јенер изрази благодарност до сите политички партии кои придонесоа за изборите, набљудувачите, претставниците на медиумите и сите други кои придонесоа за изборниот процес.

За некој од кандидатите денеска да обезбеди целосна победа, ќе му требаат повеќе од 50 отсто од гласовите. Меѓутоа, доколку ниту еден од четворицата кандидати за претседател на Турција не освои повеќе од 50 отсто од гласовите, вториот круг од изборите ќе се одржи на 28 мај. Денешните избори се одржуваат во исклучително тешко време за земјата, кога растечката инфлација достигна 44 отсто, иако многумина мислат дека е и повисока, а дури 11 провинции се справуваат со последиците од најуништувачкиот земјотрес во овој век.

Извор: 360stepeni.mk

MARKETING

MARKETING

Претходно

Гласањето во Турција заврши без посериозни проблеми

Следно

По обработени половина од вкупниот број гласови, Ердоган води за 10 отсто пред неговиот опонент Киличдароглу

Latest from Blog

Ристо Вртев: Денес е профитабилно да се „тамбура“ на национални жици

Овој пат во „Имаме неколку прашања за вас“ го имаме Ристо Вртев, основач на музичката група Архaнгел, нејзин фронтмен, композитор, текстописец и вокалист. Бидејќи ретко дава интервјуа за Рацин.мк ова беше прилика

Пожарите не стивнуваат: Два активни, четири под контрола, 22 изгаснати низ Македонија

Македонија повторно се соочува со огнени жаришта, но според последните податоци од Центарот за управување со кризи (ЦУК), состојбата е стабилизирана. До утрово во 7 часот биле евидентирани вкупно 28 пожари на

Најдобриот стрелец во Евролигата ќе игра за Виртус Болоња,

Најдобриот стрелец во Евролигата за минатата сезона, Карсен Едвардс, го напушта Баерн Минхен и ќе ја продолжи кариерата во тимот на Виртус Болоња  изјави порталот „Баскетњуз“. Американскиот кошаркар бележеше 20,4 поени и
Go toTop