Ердоган призна дека одговорот на властите по земјотресот не бил толку брз

Преживеаните во погодените територии силно го критикуваат шефот на државата за бавната испорака на помошта

Одговорот на турските власти на големите земјотреси во југоисточниот дел на земјата не е толку брз како што сакаше владата, рече претседателот Реџеп Таип Ердоган при посетата на провинцијата Адијаман, која исто така беше погодена од земјотресите во кои загинаа повеќе од 22 000 луѓе во Турција и Сирија.

„Потресите погодија толку многу згради што за жал не можевме да интервенираме толку брзо како што се надевавме. Во тој период можеби имаше пропусти, технички проблеми, но ние сме со нашето население со сите наши ресурси“,

рече Ердоган.

Тој рече дека Турција го формирала можеби најголемиот спасувачки тим во светот со 141 000 спасувачи.

Преживеаните во погодените територии силно го критикуваат шефот на државата за бавната испорака на помошта.

Речиси 22 000 лица беа пронајдени во урнатините за време на петдневната потрага во веќе најразорниот земјотрес што ја погодил Турција од 1939 година, кога загинаа 33 000 луѓе.

Речиси 22 000 загинати во земјотресите во Турција и во Сирија, САД ги паузира санкциите кон Сирија за да обезбеди помош

Турција во понеделникот беше погодена од два силни земјотреси со јачина од 7,8 и 7,5 степени. Подоцна следеа земјотреси со помала јачина. 

Спасувачите сè уште трагаат по преживеани под урнатините, додека десетици илјади луѓе на минусни температури ги поминуваат деновите во импровизирани засолништа, откако ги загубија своите домови.