Ердоган повика на итна реформа на Советот за безбедност на ОН

1 min read

АНКАРА (АА) – Претседателот на Република Туркије, Реџеп Таип Ердоган, изјави дека поредокот од пет земји кој ја ограничува судбината на човештвото не е одржлив и повика на инклузивна и сеопфатна реформа на Советот за безбедност на Обединетите нации (СБОН), јавува Анадолу.

„Моменталиот поредок, кој ја заробува судбината на човештвото меѓу усните на пет земји, не е одржлив. Постои итна потреба Советот за безбедност на ОН да се реформира со инклузивно и сеопфатно разбирање“, рече Ердоган на ифтарот со странските амбасадори и дипломати во Туркије.

Ердоган истакна дека неговата земја сега ги бере плодовите од својата претприемничка и хуманитарна надворешна политика, со бројни земји кои брзаат да ѝ помогнат на Туркије по разорните земјотреси што ја погодија на 6 февруари.

Коментирајќи ја војната на Русија против Украина, Ердоган изрази уверување во можноста за одржување праведен мир кој ќе им овозможи на двете страни да добијат чесен излез, а кои ќе го извлечат регионот од вителот во кој е вовлечен.

Тој, исто така, рече дека Туркије е свесна за играта на зборови, дипломатските и воените лукавства на терористичките групи и порача дека Туркије внимателно ги следи сите терористички закани.

Во врска со неодамнешните напади на светата книга на муслиманите, Куранот, во европските земји, Ердоган нагласи дека тоа е неприфатливо и порача дека станува збор за злосторство од омраза.

„Овие злосторства, кои не само што навредуваат речиси две милијарди муслимани, туку и ги доведуваат до бес, мора веднаш да прекинат“, рече турскиот претседател Ердоган.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

Претходно

ПЕЈЗАЖ ОД ЕМОЦИИ – ФОТОГАЛЕРИЈА ОД ОТВОРАЊЕТО НА 19. ТАНЦ ФЕСТ СКОПЈЕ

Следно

На британски министер одземена возачката дозвола на половина година поради пречекорување на брзината

Latest from Blog