„ЕCKERMANN“ ја објави „Апокалиптична комедија“ на Томислав Османли

September 2, 2024
2 mins read

Српското електронско списание “Eckermann” во својот најнов, 44 број ја објави театарската пиеса „Апокалиптична комедија“ на Томислав Османли. Пиесата неодамна беше објавена од угледниот издавач „Прометеј“ од Нови Сад исто така во Србија и е дел од книгата со три драмски текста на Османли, насловена „Пат во рајот“.

Оваа антивоена театарска пиеса на македонскиот прозаист и драмски автор е напишана пред честврт век, во времето на жестоките југословенските војни чии сенки опасно се надвиваа и над нашава земја. Во неа како лик се појавува Христос во своето „второ пришастие“ но како бог со изгубена моќ, неспособен среде омразата и жестокоста на бескрајните воени судири да ја оствари библиски пророкуваната Апокалипса. Денес, во екот на новата епоха на жестоки конфликти „Апокалиптична комедија“ работена како фантасмагорична гротеска, со бројни ликови и драмски и визуелни елементи на очудување, пиесата на Османли доживува нова актуелност, интересирања, следствено и нејзини драмски објави. https://eckermann.org.rs/apokalipticna-komedija/

Белградска „Политика“ неодамна објави исклучителен осврт од книжевната критичарка Александра Ѓуричиќ. Инаку, објавата на антивоената гротеска на македонскиот драмски автор, на соседната книжевна сцена го привлече вниманието на тамошната театаролошка јавност: веднаш по објавата на книгата со три драмски текста на Османли насловена „Пат во рајот“, Марко Радојичиќ уредник на белградскиот портал Edt Culture кој ја следи целокупната кутурна актива на српската книжевна и театарска сцена, беше издвоена како еден од петте преведени наслови на годината. Натаму, белградскиот неделник “Novi magazin”, токму по повод најновата книга на Османли објавена во Србија, во мај годинава (14.05.2024) неодамна објави големо интервју на истакнатата новинарка и книжевна критичарка Анѓелка Цвијиќ со нашиот автор. https://novimagazin.rs/iz-nedeljnika-nm/323417-intervju-tomislav-osmanli-buducnost-se-ne-doseze-kretanjem-ukrug.   Најнова афирмација е објавата на пиесата „Апокалиптична комедија“ по барање на угледниот портал  “Eckermann”.

Инаку, „Апокалиптична комедија“ на Томислав Османли  за прв пат беше публикувана во 2000 година во угледното списание „Književna revija“, издание на Матица хрватска од Осијек, во превод на истакнатиот македонист Проф. Д-р Златко Крамариќ, во тоа време член на уредништвото на реномираното литературно списание,  а во 2004 и во Грција во превод од македонски на Проф. Костас Катсанос, во посебна книга на солунското книгоиздателство “University studio press”. Кај нас  пиесата двојазично, на македонски и на англиски јазик, ја објави скопска „Култура“ во 2005 година.

Интернет списанието “Eckermann” е покренато 2006 година како портал за објавување литературни интервјуи , при што името го носи во чест на Јохан Петер Екерман авторот на првото книжевно интервју во историјата на литературата, остварено со големиот филозоф и писател Јохан В. Гете чиј пријател и личен секретар, инаку бил Екерман.  Од 2015 година и како „веб списание за книжевност“ во кое се објавуваат творби од поезијата, прозата, драмската уметност, критиката, есеистиката, теми, видео-разговори и уметнички е-книги. Списанието се појавува шест пати во годината. Главен уредник на овој реномиран литературен портал е српскиот писател Енес Халиловиќ, истакнат поет и романописец.

Пред објавата на „Апокалиптична комедија“, на порталот “Eckermann” Османли години со ред објавувал свои поетски, прозни, една есеистичка и претходна драмска творба.

ИЗВОР: racin.mk

MARKETING

MARKETING

MARKETING

Претходно

Гаши за интерпелацијата: Ова е одраз на демократијата, пратениците да гласаат според своето лично убедување

Следно

Возобновена традиција: Божествена Литургија на врвот Крчин

Latest from Blog

Ханси Флик отпиша тројца играчи на Барселона

Според шпанските медиуми, веќе е јасно кои играчи нема да бидат во плановите на тренерот на Барселона Ханси Флик за следната сезона, а списокот веројатно ќе биде уште поголем. На листата на

Николоски: Од нула локомотиви, за шест месеци успеавме да вратиме 14 локомотиви и возови на македонските пруги

За само шест месеци успеавме да оспособиме 8 активни локомотиви за карго превоз и 6 патнички возови. Претходно имаше нула локомотиви и само еден воз. Тоа е разликата на нашето работење, истакна

Николоски: Годинава започнуваме со изградбата на автопатот Кичево – Букојчани, Скопје и Охрид целосно ќе ги поврземе со автопат

Започнуваме да градиме целосно нов автопат од Кичево до Букојчани. До напролет или до летото ќе избереме изведувач, во меѓувреме обезбедивме поволен кредит од ЕБРД и неповратни средства исто така од ЕБРД

И Македонија контра Трамп – потписник на поддршката за Меѓународниот кривичен суд

Македонија е меѓу 79-те држави кои изразија поддршка за независноста и непристрасноста на Меѓународниот кривичен суд (МКС), откако американскиот претседател Доналд Трамп воведе санкции против оваа институција. Според објавата на Министерството за
Go toTop