Дојави за бомби во клиничкиот центар „Ѕвездара“, ВМА и Зоолошката градина во Белград

Од Министерството за внатрешни работи велат дека антитерористичките екипи се на терен и се вршат проверки

Дојави за поставени експлозивни направи утринава пристигнале во Клиничкo-болничкиот центар „Ѕвездара“ и во ВМА во Белград, потврдуваат од Министерството за внатрешни работи.

Од полицијата за српскиот национален радиодифузен сервис – РТС потврдуваат дека дојава за бомба има и во Зоолошката градина во Белград.

Од Министерството за внатрешни работи велат дека антитерористичките екипи се на терен и се вршат проверки.

Дојави за бомби во Белград стигнале во 115 училишта

Пред два дена дојави за бомби имаше стигнато во 115 училишта во Белград. По извршените проверки од страна на антитерористичките екипи во сите 115 училишта, било утврдено дека нема експлозивни направи и дека пријавите се лажни.

Министерството за внатрешни работи на Србија потврди: Дојавите за бомби во училиштата се лажни