Доаѓа топол бран – oд утре до средината на следната седмица температури и над 40 степени

Доаѓа топлотен бран во Македонија. Од утре до средината на следната недела температурите наместа ќе надминат 40 степени.

Во недела во попладневните и вечерните часови ќе има услови за локална нестабилна облачност со пороен дожд и грмежи. Институтот за јавно здравје деновиве излезе со препораки за заштита на повозрасните од топлото време.

Се апелира повозрасните да избегнуваат изложување на сонце, како и работа на отворено, во периодот од 11 до 17 часот. Да носат лесна, облека, заштитни очила за сонце, капа и крем со УВ фактор 30+ при изложување на сонце.

Да се пие вода повеќе. Алкохолните пијалаци да се избегнуваат, како и оние што содржат кофеин, но и екстремно ладните.

Се препорачува да се избегне користење шпорет, рерна и слични уреди од 11 до 17 часот.