„Мислиме дека постигнавме голем напредок. Мислиме дека Иранците сакаат да постигнат договор“, изјави Венс пред новинарите на брифингот во Белата куќа.
Венс рече дека штотуку разговарал со претседателот Доналд Трамп, кој повторил дека клучното прашање за САД е Иран никогаш да не смее да има нуклеарно оружје.
Доколку тоа се случи, земјите околу Персискиот Залив ќе сакаат свое оружје, а потоа и другите земји низ светот ќе го сакаат, рече Венс.
„Сакаме бројот на земји што имаат нуклеарно оружје да биде мал, за Иран да не може да има нуклеарно оружје“, рече тој.
САД сакаат Иран да соработува со Вашингтон на процес што ќе осигури дека Иранците нема да ги обноват своите капацитети за нуклеарно оружје во годините што доаѓаат.
„Тоа е она што се обидуваме да го постигнеме во преговорите“, рече тој.
Трамп е под притисок да постигне договор за повторно отворање на Ормутскиот теснец, клучен пат за глобалната нафта и други стоки.
Тој изрази надеж дека е близу до постигнување договор за завршување на конфликтот, но исто така се закани со обновени воени напади врз Иран доколку не се постигне договор.
На прашањето дали Русија би можела да го преземе збогатениот ураниум на Иран, Венс рече: „Тоа не е план на владата на Соединетите Американски Држави во овој момент. Иранците не го покренале“ ова прашање.
Извор: vecer.mk
