Едно лице вечерва почина откако малолетни лица опожариле вагон-цистерна кај железничката станица во скопската населба Илинден. Според првичните информации, жртвата е малолетно девојче кое било на вагонот и се запалило од струен удар од електричните жици над вагоните. Од МВР потврдуваат дека настанот бил пријавен во полициските станици во Петровец и Автокоманда.
„Во 21:05 часот во ПО-Петровец, С.К. пријавил дека во населбата Илинден кај железничката станица во складиштето на ‘Макпетрол’ од страна на малолетни лица е опожарена цистерна. Двете малолетни лица се кај него дома и по извршениот разговор со децата посочено е дека во цистерната најверојатно има малолетно женско лице и истото е починато,“
велат од МВР.
На местото интервенирале две возила и седум пожарникари, а на терен се и екипи на Итната медицинска помош, како и полициски службеници кои работат на расчистување на случајот.
Од „Макпетрол“ реагираат дека инцидентот се случил во близина, односно на железничката станица Илинден и дека на никаков начин не е поврзан со нивното складиште.
ИЗВОР: 360stepeni.mk
